தமிழ்நாடு மெர்கன்டைல் வங்கி சார்பாக சுழற்கோப்பைக்கான கூடைப்பந்து போட்டி தேசிய அளவில் கல்லூரிகளுக்கு இடையே ஜூலை 17ஆம் தேதி தொடங்கி ஜூலை 21ம் தேதி வரை தூத்துக்குடியில் நடைபெற உள்ளது.
இது குறித்து கூடைப்பந்து கழகத்தின் ஒருங்கிணைப்பாளர் ரவி செய்தியாளர்களிடம் கூறுகையில், "தூத்துக்குடி மாவட்ட கூடைப்பந்து கழகம் மற்றும் அரைஸ் ஸ்டீல் நிறுவன உதவியுடன் நடக்கும் இந்த போட்டியில் ஆண்கள் பிரிவில் 6 அணிகளும், பெண்கள் பிரிவில் 6 அணிகளும் கலந்து கொள்கின்றன.
தேசிய அளவிலான கூடைப்பந்து போட்டியில் ஆண்கள் பிரிவில் ஜெயின் பல்கலைக் கழகம் பெங்களூரு, எம்.சி.சி. கல்லூரி சென்னை, ஜேப்பியார் பொறியியல் கல்லூரி காஞ்சிபுரம், லயோலா கல்லூரி சென்னை, இந்துஸ்தான் பல்கலைக்கழகம் காஞ்சிபுரம், மார் இவானியஸ் கல்லூரி கேரளா ஆகிய அணிகளும், மகளிர் பிரிவில் எம்.ஓ.பி. கல்லூரி சென்னை, எத்திராஜ் மகளிர் கல்லூரி சென்னை, புனித ஜோசப் கல்லூரி கேரளா, மார் இவானியஸ் கல்லூரி திருவனந்தபுரம், இந்துஸ்தான் பல்கலைக்கழகம் காஞ்சிபுரம், புனித ஜோசப் காலேஜ் ஆஃப் காமர்ஸ் பெங்களூரு ஆகிய அணிகளும் கலந்து கொள்கின்றன.
போட்டிகள் தூத்துக்குடியில் உள்ள ஜிம்கானா கிளப் மைதானத்தில் நடைபெற உள்ளது. ஜூலை 21ஆம் தேதி நடைபெற உள்ள இறுதிப் போட்டியைத் தொடர்ந்து பரிசளிப்பு விழாவில் தமிழ்நாடு மெர்க்கன்டைல் வங்கியின் தலைமைச் செயல் அலுவலரும், நிறுவனருமான கே.வி. ராமமூர்த்தி கலந்துகொண்டு வெற்றிபெற்ற அணிகளுக்கு பரிசுகள் வழங்குகிறார். போட்டிக்கான ஏற்பாடுகளை தூத்துக்குடி கூடைப் பந்து கழகம் செய்து வருகிறது" என்றார்.
