புதுக்கோட்டை: திருவப்பூர் முத்துமாரியம்மன் கோயில் மிகவும் பிரசித்தி பெற்றதாகும். இந்தக் கோயிலில் மாசி பெருந்திருவிழா மிகவும் பிரசித்தி பெற்றது. இந்த நிலையில் கடந்த 26ஆம் தேதி பூச்சொரிதல் திருவிழா நடைபெற்றது.
இதனைத்தொடர்ந்து வருகிற 5ஆம் தேதி காப்பு கட்டுதல் நிகழ்ச்சியும், 12ஆம் தேதி பொங்கல் விழாவும், 13ஆம் தேதி தேர் திருவிழாவும் நடைபெற உள்ளது. இதையொட்டி வருகிற 13ஆம் தேதி தேர் திருவிழா நடைபெற உள்ளதால் புதுக்கோட்டை மாவட்டம் முழுவதிலும் உள்ள அரசு அலுவலகங்கள், கல்வி நிலையங்களுக்கு உள்ளூர் விடுமுறையை மாவட்ட ஆட்சியர் கவிதா ராமு அறிவித்துள்ளார்.
இதையும் படிங்க:'நிழலில் வேலை செய்ய ஆசைப்படுகிறோம்' - வேட்டைகார சமூக மக்கள் வேதனை
