நாமக்கல் மாவட்ட அரசு மருத்துவக்கல்லூரி மருத்துவமனையில் கரோனா தொற்று காரணமாக கண்புரை சிகிச்சை மையம் மூடப்பட்டது. இதனால் கண்புரை நோயினால் பாதிக்கப்பட்ட பல முதியவர்கள் தனியார் மருத்துவமனைகளில் அறுவை சிகிச்சை செய்யும் நிலை ஏற்பட்டது.
இந்நிலையில் 10 மாதங்களுக்கு பிறகு நாமக்கல் மாவட்ட அரசு மருத்துவக்கல்லூரி மருத்துவமனையில் இன்று மீண்டும் கண்புரை சிகிச்சை மையம் செயல்பட தொடங்கியது.
இதனை மருத்துவக்கல்லூரி மருத்துவமனை முதல்வர் சாந்தா அருள்மொழி தொடங்கிவைத்தார். இதில் முதற்கட்டமாக 5 பேர் அறுவை சிகிச்சை செய்து கொண்டனர். இனிவரும் காலங்களில் தொடர்ந்து கண்புரை அறுவை சிகிச்சைகள் நடைபெறும் என மருத்துவமனை நிர்வாகத்தினர் தெரிவித்தனர்.
