கரோனா தாக்கம்: மகாராஷ்டிராவில் முழு ஊரடங்கு
கரோனா வைரஸின் இரண்டாவது அலை தீவிரமாக பரவிவருவதால் மகாராஷ்டிராவில் இன்று முதல் முழு ஊரடங்கு அமல்படுத்தப்படுகிறது. இன்று இரவு எட்டு மணியிலிருந்து மே மாதம் ஒன்றாம் தேதிவரை ஊரடங்கானது அமலில் இருக்கும் என மகாராஷ்டிரா அரசு அறிவித்துள்ளது.
அதிகரிக்கும் கரோனா: கேரள முதலமைச்சர் ஆலோசனை
கேரள மாநிலத்தில் கரோனா பரவல் நிலவரம் குறித்து இன்று உயர் அலுவலர்களுடன் அம்மாநில முதலமைச்சர் பினராயி விஜயன் ஆலோசனை மேற்கொள்கிறார்.
மேற்குவங்க தேர்தல்: இன்று ஆறாம் கட்ட வாக்குப்பதிவு
மேற்குவங்கத்தில் எட்டு கட்டங்களாக சட்டப்பேரவைத் தேர்தல் நடைபெற்றுவருகிறது. ஏற்கனவே ஐந்து கட்ட வாக்குப்பதிவு முடிந்திருக்கும் சூழலில், இன்று ஆறாம் கட்ட வாக்குப்பதிவு நடக்கவிருக்கிறது. இதற்காக, மாநிலத்தில் பாதுகாப்பு பலப்படுத்தப்பட்டுள்ளது.
இன்றைய ஐபிஎல் போட்டி
இன்று இரவு 7.30 மணிக்கு நடைபெறவிருக்கும் ஐபிஎல் போட்டியில் ராயல் சேலஞ்சர்ஸ் பெங்களூரு அணியும், ராஜஸ்தான் ராயல்ஸ் அணியும் மோதுகின்றன.
