கரோனா தாக்கம்: வடமாநிலங்களுக்குச் சிறப்பு ரயில்கள்
கரோனா தொற்று காரணமாக விழுப்புரத்திலிருந்து வட மாநிலங்களுக்கு இன்றுமுதல் சிறப்பு ரயில்கள் இயக்கப்படவிருக்கின்றன.
உயர் நீதிமன்ற காலிப் பணியிடம்: இன்று கடைசி தேதி
சென்னை உயர் நீதிமன்றத்தில் காலியாக உள்ள சோப்தார், அலுவலக உதவியாளர், சமையல்காரர், வாட்டர்மேன், ரூம் பாய், காவலாளி, புத்தக மீட்பாளர், நூலக உதவியாளர் பணியிடங்களுக்கு விண்ணப்பிக்க இன்று கடைசி தேதி ஆகும்.
கரோனா: ஆம்னி பேருந்துகள் ஓடாது
கரோனாவின் தாக்கம் அதிகரித்துவருவதால் இன்றுமுதல் தமிழ்நாட்டில் ஆம்னி பேருந்துகள் ஓடாது என்று ஆம்னி பேருந்து உரிமையாளர்கள் சங்கத்தினர் அறிவித்துள்ளனர்.
அதிகரிக்கும் வெப்பநிலை
சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, வேலூர், திருப்பத்தூர், தர்மபுரி, சேலம், நாமக்கல் உள்ளிட்ட மாவட்டங்களில் வெப்பநிலை இன்று 2 முதல் 3 டிகிரி செல்சியஸ் அதிகரிக்கக்கூடும் என வானிலை ஆய்வு மையம் தெரிவித்துள்ளது.
ஐபிஎல்: இன்றையப் போட்டிகள்
ஐபிஎல்லில் இன்று இரண்டு போட்டிகள் நடக்கவிருக்கின்றன. சென்னை சேப்பாக்கத்தில் பிற்பகல் தொடங்கும் முதல் போட்டியில் பஞ்சாப் கிங்ஸ் அணியும், ஹைதராபாத் சன்ரைசர்ஸ் அணியும் மோதுகின்றன.
அதேபோல், இரவு 7.30 மணிக்கு மும்பை வான்கடே ஸ்டேடியத்தில் நடக்கவிருக்கும் மற்றொரு ஆட்டத்தில் சென்னை சூப்பர் கிங்ஸ் அணி கொல்கத்தா நைட் ரைடர்ஸ் அணியைச் சந்திக்கிறது.
