சிங்கப்பூரில் இன்று(பிப்.25) நடந்த சர்வதேசப் பளுதூக்குதல் போட்டியின் 55 கிலோ எடைப்பிரிவில் இந்திய நட்சத்திர வீராங்கனை மீராபாய் சானு தங்கம் வென்று, 2022ஆம் ஆண்டு காமன்வெல்த் போட்டிக்கு தகுதி பெற்றுள்ளார். முதன்முறையாக 55 கிலோ எடைப் பிரிவில் போட்டியிட்ட சானு 191 கிலோ எடையைத் தூக்கி முதலிடம் பிடித்துள்ளார்.
ஆஸ்திரேலியாவின் ஜெசிகா செவாஸ்டென்கோ 167 கிலோ, அதாவது சானுவை விட 24 கிலோ எடை குறைவாக தூக்கி இரண்டாம் இடம் பிடித்துள்ளார். மலேசியாவை சேர்ந்த எல்லி கசாண்ட்ரா எங்லெபர்ட் 165 கிலோ எடையை தூக்கிய மூன்றாவது இடத்தை தக்கவைத்துள்ளார். டோக்கியோ ஒலிம்பிக் பளுதூக்கும் போட்டியில் சானு வெள்ளிப் பதக்கம் வென்றதை அடுத்து பங்கேற்ற முதல்போட்டி இதுவாகும்.
மீராபாய் சானு 2016ஆம் ஆண்டு ரியோவில் நடந்த பளுதூக்குதல் போட்டியில் தோல்வியடைந்தார். இதையடுத்து 2017 உலக சாம்பியன்ஷிப், 2018 ஜகார்த்தா ஆசிய விளையாட்டுப் போட்டிகளில் தங்கப் பதக்கங்களை வென்று தனக்கென ஒரு வலுவான இடத்தை உருவாக்கினார். 2020 ஆசிய சாம்பியன்ஷிப் போட்டியில் வெண்கலம் வென்றார்.
இதையும் படிங்க: IND vs SL: இலங்கை அணியை 137 ரன்களில் சுருட்டிய இந்தியா
