தமிழ், தெலுங்கு, இந்தி என பிஸியாக நடித்துவந்த ஸ்ருதிஹாசன் திடீரென் தொலைக்காட்சித் தொகுப்பாளராக அவதாரம் எடுத்தார். இதைத்தொடர்ந்து தற்போது ட்ரெட்ஸ்டோன் என்ற அமெரிக்க தொலைக்காட்சித் தொடரின் மூலம் ஹாலிவுட்டில் கால் பதித்துள்ளார்.
இதையடுத்து ஹாலிவுட்டில் சக்கைப்போடுபோட்ட ஜேசன் பார்ன் என்ற படத்தின் கிளைக்கதையாக ட்ரெட்ஸ்டோன் தயாராகியுள்ளது. டிம் கிரிங்க் என்ற திரைக்கதை ஆசிரியரால் எழுதப்பட்ட இந்தத் தொடரின் படப்பிடிப்பு ஜூலை முதல் வாரத்தில் தொடங்கியது.
இதில், நடிகை ஸ்ருதிஹாசன் நீரா படேல் என்ற இந்தியப் பெண் கதாபாத்திரத்தில் நடித்துள்ளார். டெல்லியில் உள்ள உணவகம் ஒன்றில் பணியாற்றிக் கொண்டே ரகசிய முகவராக (சீக்ரெட் ஏஜெண்ட்) செயல்படுவதுடன், கொடூர கொலையாளியாகவும் உலவும்விதமாக இவரது கதாபாத்திரம் அமைந்துள்ளதாகக் கூறப்படுகிறது.
இந்த நிலையில், டிரெட்ஸ்டோன் தொடரின் புரொமோவாக ஒரு நிமிட வீடியோ காட்சி வெளியிடப்பட்டுள்ளது. இந்த வீடியோவில் நான்கு பிரேம்களில் தோன்றும் ஸ்ருதி, ஒரு ஷாட்டில் அனல் பறக்கும் ஆக்ஷனில் மிரட்டுகிறார்.
டிரெட்ஸ்டோன் புரொமோ வீடியோவை தனது சமூக வலைதள பக்கத்தில் நடிகை ஸ்ருதிஹாசன் ஷேர் செய்துள்ள நிலையில், ரசிகர்கள் லைக் செய்து ஸ்ருதிக்கு பாராட்டும் தெரிவித்துவருகின்றனர். இத்தொடர் அக்டோபர் 15ஆம் தேதி ஒளிபரப்பாகவுள்ளது.
- " class="align-text-top noRightClick twitterSection" data="">
