விஜய், பூஜா ஹெக்டே ஆகியோர் முன்னணி கதாபாத்திரங்களில் நடித்துவரும் படம் ‘பீஸ்ட்’. சன் பிக்சர்ஸ் தயாரிப்பில், நெல்சன் திலிப்குமார் இயக்கத்தில் உருவாகும் இப்படத்திற்கு அனிருத் இசையமைக்கிறார்.
இந்தப் படத்தின் முதற்கட்ட படப்பிடிப்பு ஜார்ஜியாவில் நடந்தது. அதில் கதாநாயகி பூஜா ஹெக்டே கலந்துகொள்ளவில்லை. இரண்டாம்கட்ட படப்பிடிப்பு சென்னையில் தொடங்கும் என அறிவிக்கப்பட்டிருந்தது. கரோனா பரவல் காரணமாக நிறுத்தி வைக்கப்பட்டிருந்த படப்பிடிப்பை, தமிழ்நாடு அரசு தளர்வுகளுக்கு பின் தொடங்க படக்குழு முடிவு செய்தது. தற்போது இதன் படப்பிடிப்பு தொடங்கி நடைபெற்று வருகிறது.
பிரமாண்ட செட் ஒன்றில் பாடல் காட்சிகள் படமாக்கப்பட்டு வருகின்றன. இந்தப் பாடலுக்கு ஜானி மாஸ்டர் நடன அமைப்பை மேற்கொள்கிறார். தெலுங்கில் புகழ்பெற்ற நடன இயக்குநராகத் திகழும் ஜானி, தமிழில் தனுஷின் ‘பட்டாஸ்’ உள்ளிட்ட சில படங்களில் பணியாற்றியுள்ளார். பூஜா ஹெக்டே சில தினங்களுக்கு முன்பே நடனப் பயிற்சியை தொடங்கிய நிலையில், தளபதி விஜய் இன்று களமிறங்கியுள்ளார்.
இதையும் படிங்க: டாக்டர். சாய் பல்லவி செந்தாமரை - வைரலாகும் புகைப்படம்
