அந்தாதூன் ரீமேக் படத்தில் நடிக்கும் தமன்னா!

நடிகை தமன்னா தெலுங்கில் ரீமேக் செய்யப்படும் அந்தாதூன் படத்தில் நடிக்க ஒப்பந்தமாகியுள்ளார்.

பாலிவுட்டில் 2018ஆம் ஆண்டு ஸ்ரீராம் ராகவன் இயக்கத்தில் வெளியான திரைப்படம் அந்தாதூன். ஆயுஷ்மான் குரானா, தபு, ராதிகா ஆப்தே உள்ளிட்ட பலர் நடித்துள்ள இப்படத்தின் வசூல் 450 கோடி ரூபாய்க்கு மேல் என்று கூறப்படுகிறது. இத்திரைப்படத்திற்கு இதுவரை மூன்று தேசிய விருதுகள் கிடைத்துள்ளன.

இந்நிலையில் பாலிவுட்டை தொடர்ந்து இத்திரைப்படம் தெலுங்கில் ரீமேக் செய்யப்படவுள்ளது. அதில் கதாநாயகனாக நிதினும், கதாநாயகியாக நடிகை தமன்னாவும் நடிக்கவுள்ளதாக அறிவிப்பு வெளியாகியுள்ளது.

இது குறித்து தமன்னா கூறுகையில், ”நான் எப்போதுமே தபுவின் படைப்புகளுக்குத் தீவிர ரசிகை. அவர் நடித்த படத்தில், நடிப்பது மிகவும் மகிழ்ச்சி” என்று தெரிவித்துள்ளார். பாலிவுட்டை தொடர்ந்து இத்திரைப்படம் தெலுங்கிலும் ஹிட் அடிக்கும் என்று எதிர்பார்க்கப்படுகிறது.