உலக நாடுகளை மிரட்டும் கரோனா வைரசை கட்டுப்படுத்த முடியாமல் பல முன்னணி நாடுகளே திணறி வருகின்றன. மற்றொருபுறம், வைரஸிற்கு தடுப்பூசிக்கு மருந்து கண்டுபிடிப்பதில் விஞ்ஞானிகள் தீவிரமாக களமிறங்கியுள்ளனர். இதுவரை, நூற்றுக்கணக்கான மருந்துகள் பரிசோதனை கட்டத்தில் உள்ளன.
இந்நிலையில், உலகளவில் ஒரு கோடியே 92 லட்சத்து 61 ஆயிரத்து 406 பேர் கரோனாவால் பாதிக்கப்பட்டுள்ளனர். உயிரிழந்தோரின் எண்ணிக்கை ஏழு லட்சத்து 17 ஆயிரத்து 717 ஆக உள்ளது. வைரஸிலிருந்து குணமடைந்தவர்களின் எண்ணிக்கை ஒரு கோடியே 23 லட்சத்து 63 ஆயிரத்து 249 ஆக உயர்ந்துள்ளது.
இதுமட்டுமின்றி நேற்று (ஆக.6) ஒரே நாளில் மட்டும் இரண்டு லட்சத்து 81 ஆயிரத்து 560 பேர் கரோனாவால் பாதிக்கப்பட்டுள்ளனர். ஆறு ஆயிரத்திற்கும் மேற்பட்டோர் உயிரிழந்துள்ளனர். உலகளவில் கரோனா அதிகம் பாதித்த நாடுகளில் இந்தியா மூன்றாவது இடத்தில் உள்ளது குறிப்பிடத்தக்கது.
