சென்னை: எம்பிபிஎஸ் படிக்கும் மாணவர்களுக்காக மருத்துவக் கல்வி ஆராய்ச்சிக்கு உதவும் அதிநவீன தரவு உந்தும் மேலாண்மை அமைப்பு, மாநில கல்வி மற்றும் கற்றல் மேலாண்மை அமைப்பு, ஆசிரியர் மாணவர்கள் இலாக்காக்கள், கற்றல் & கற்பித்தல் பணியை மேற்கொள்ள புதிய அமைப்பினை 87 லட்சம் ரூபாய் செலவில் தமிழக அரசு தொடங்கி உள்ளது.
இதுகுறித்து மருத்துவம் மற்றும் மக்கள் நல்வாழ்வுத்துறை அரசு கூடுதல் தலைமைச் செயலாளர் சுப்ரியா சாகு வெளியிட்டுள்ள செய்திக்குறிப்பில், “மருத்துவக் கல்வி மற்றும் சுகாதார சேவைகளில் தமிழ்நாடு தொடர்ந்து அளவுகோல்களை அமைத்து, துறையில் முன்னோடியாக தனது நிலையை மீண்டும் உறுதிப்படுத்துகிறது.
நாட்டிலேயே அதிக எண்ணிக்கையிலான அரசு மருத்துவக் கல்லூரிகளைக் கொண்டு, ஆண்டுதோறும் 5,050 எம்பிபிஎஸ் மாணவர் சேர்க்கை செய்வதுடன், தமிழ்நாடு மக்கள்தொகையின் சுகாதாரத் தேவைகளைப் பூர்த்தி செய்து பிரதிபலிக்கிறது.
திறமையான சுகாதார நிபுணர்களுக்கான தேவை அதிகரிப்பதை உணர்ந்து, தரமான மருத்துவக் கல்வியை வழங்குவதில் கவனம் செலுத்தும் அதே வேளையில், எம்பிபிஎஸ் இடங்களைத் தமிழ்நாடு அரசு தொடர்ந்து விரிவுபடுத்தி வருகிறது.
வலுவான பாடத்திட்ட சீர்திருத்தங்கள், ஆசிரியர் மேம்பாடு, அதிநவீன ஆராய்ச்சி மற்றும் உறுதியான தலைமைத்துவம் ஆகியவற்றின் மூலம் வளரும் சுகாதார சவால்களை எதிர்கொள்ள வருங்காலங்களில் சுகாதார சேவை வழங்குநர்களை உருவாக்குவதற்கு தமிழ்நாடு அரசு உறுதி பூண்டுள்ளது.
இந்நிலையில், இதில் மாநில மருத்துவக் கல்வி மற்றும் கற்றல் மேலாண்மை அமைப்பு, மருத்துவக் கல்வி மற்றும் ஆராய்ச்சிக்கான அதிநவீன தரவு உந்தும் மேலாண்மை அமைப்பு, ஆசிரியர் மற்றும் மாணவர் இலாகாக்கள், கற்பித்தல் மற்றும் கற்றல் செயல்முறைகள் மற்றும் முடிவுகள் ரூ.87,08,400 செலவில் அமைக்கப்படும். மருத்துவக் கல்வி மற்றும் ஆராய்ச்சி இயக்குநரகம் மூலமாக இந்த அமைப்பானது செயல்படும்.
மாநில மருத்துவக் கல்வி மேலாண்மை அமைப்பு (SMELMS): உயர்தரமான மற்றும் பயனுள்ள கண்காணிப்பு மூலம் மேம்படுத்தப்பட்ட கல்வி சேவை வழங்கல். மதிப்பீடுகளுக்கான தெளிவான காலக்கெடுவுடன் தரப்படுத்தப்பட்ட பாடத்திட்டத்தை செயல்படுத்துதல். அனைவருக்கும் உயர்தர கல்வி வழங்க சமமான வாய்ப்பு அளித்தல். போன்ற முக்கிய செயல்திறன் குறியீடுகளைப் பயன்படுத்தி, உள் தர உத்தரவாதம் மற்றும் செயல்திறன் மதிப்பீடுக்கள் இந்த முன்முயற்சிகள் மூலம், உலகத் தரம் வாய்ந்த சுகாதார நிபுணர்களை உருவாக்குவதை உறுதி செய்கிறது” என்று சுப்ரியா சாகு தெரிவித்துள்ளார்.
