ਜੁਆਇੰਟ ਐਕਸ਼ਨ ਕਮੇਟੀ ਆਰਡਬਲਯੂਏ ਜ਼ੀਰਕਪੁਰ ਨੇ ਨਗਰ ਪ੍ਰੀਸ਼ਦ ਦੇ ਖ਼ਿਲਾਫ਼ ਕੱਢਿਆ ਰੋਸ ਮਾਰਚ

ਜ਼ੀਰਕਪੁਰ: ਸ਼ਹਿਰ ਵਿੱਚ ਲਗਾਤਾਰ ਵੱਧ ਰਹੀ ਨਾਜਾਇਜ਼ ਉਸਾਰੀ ਤੇ ਸਹੂਲਤਾਂ ਨਾ ਹੋਣ ਕਾਰਨ ਜੁਆਇੰਟ ਐਕਸ਼ਨ ਕਮੇਟੀ ਆਰਡਬਲਯੂਏ ਨੇ ਨਗਰ ਪ੍ਰੀਸ਼ਦ ਖ਼ਿਲਾਫ਼ ਰੋਸ ਮਾਰਚ ਕੱਢਿਆ। ਇਸ ਪ੍ਰਦਰਸ਼ਨ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕ ਸ਼ਾਮਿਲ ਹੋਏ। ਇਹ ਰੋਸ ਮੁਜ਼ਾਹਰਾ ਪੀਰ ਮੁਛੱਲਾ ਤੋਂ ਸ਼ੁਰੂ ਹੋ ਕੇ ਢਕੋਲੀ ਏਰੀਆ ਹੁੰਦੇ ਹੋਏ ਜ਼ੀਰਕਪੁਰ ਕੇ ਏਰੀਆ ਲਾਈਟ ਪੁਆਇੰਟ, ਚੰਡੀਗੜ੍ਹ ਅੰਬਾਲਾ ਹਾਈਵੇ, ਵੀਆਈਪੀ ਰੋਡ, ਜ਼ੀਰਕਪੁਰ-ਪਟਿਆਲਾ ਹਾਈਵੇਅ ਤੋਂ ਬਾਅਦ ਜ਼ੀਰਕਪੁਰ ਬੱਸ ਸਟੈਂਡ 'ਤੇ ਖ਼ਤਮ ਹੋਇਆ। ਪ੍ਰਦਰਸ਼ਨਕਾਰੀਆਂ ਨੇ ਜ਼ੀਰਕਪੁਰ ਨਗਰ ਪ੍ਰੀਸ਼ਦ ਦੇ ਖ਼ਿਲਾਫ਼ ਨਾਅਰੇਬਾਜ਼ੀ ਕਰਦਿਆਂ ਹੋਇਆ ਸ਼ਹਿਰ ਵਾਸਤੇ ਆਮ ਸਹੂਲਤਾਂ ਦੀ ਮੰਗ ਕੀਤੀ। ਉੱਥੇ ਹੀ ਰੋਸ ਪ੍ਰਦਰਸ਼ਨ ਦੀ ਅਗਵਾਈ ਕਰ ਰਹੇ ਸਮਾਜ ਸੇਵੀ ਸੁਖਦੇਵ ਚੌਧਰੀ ਸਮੱਸਿਆਵਾਂ ਦਾ ਵੇਰਵਾ ਦਿੱਤਾ। ਸੁਖਦੇਵ ਚੌਧਰੀ ਨੇ ਦੱਸਿਆ ਕਿ ਜੇ ਜ਼ੀਰਕਪੁਰ ਨਗਰ ਪ੍ਰੀਸ਼ਦ ਸ਼ਹਿਰ ਦਾ ਵਿਕਾਸ ਨਹੀਂ ਕਰੇਗੀ ਤਾਂ ਉਹ ਕੈਪਟਨ ਅਮਰਿੰਦਰ ਸਿੰਘ ਦੇ ਸ਼ਹਿਰ ਪਟਿਆਲਾ ਦੇ ਵਿੱਚ ਜਾ ਕੇ ਉਨ੍ਹਾਂ ਦੀ ਰਿਹਾਇਸ਼ ਦਾ ਘਿਰਾਓ ਕਰਨਗੇ।