ਸੰਗਰੂਰ: ਪਿੰਡ ਬਡਰੁੱਖਾਂ 'ਚ ਸਥਿਤ ਕਾਹਨ ਸਿੰਘ ਡੇਰੇ ਵਿੱਚ ਹੋਏ ਕਿਸਾਨ ਦੇ ਕਤਲ ਮਾਮਲੇ 'ਚ ਨਵਾਂ ਖ਼ੁਲਾਸਾ ਹੋਇਆ ਹੈ। ਇਸ ਮਾਮਲੇ ਵਿੱਚ ਮੁਲਜ਼ਮ ਦਾ ਭਰਾ ਉਸ ਨੂੰ ਜੇਲ੍ਹ ਤੋਂ ਲੈ ਕੇ ਫ਼ਰਾਰ ਹੋ ਗਿਆ। ਇਸ ਸਬੰਧੀ ਪਿੰਡ ਵਾਸੀਆਂ ਗੁੱਸੇ ਵਿੱਚ ਆ ਕੇ ਬਠਿੰਡਾ ਰੋਡ ਜਾਮ ਕਰਕੇ ਧਰਨਾ ਦਿੱਤਾ ਤੇ ਪੰਜਾਬ ਸਰਕਾਰ ਵਿਰੁੱਧ ਨਾਅਰੇਬਾਜ਼ੀ ਕੀਤੀ।
ਇਹ ਵੀ ਪੜ੍ਹੋ: ਕਰਨਾਟਕ ਵਿਧਾਨ ਸਭਾ ਸਪੀਕਰ ਦਾ ਯੇਦੀਯੁਰੱਪਾ ਨੂੰ ਝਟਕਾ, 14 ਵਿਧਾਇਕ ਅਯੋਗ ਕਰਾਰ
ਦਰਅਸਲ, ਪਿਛਲੇ ਦਿਨੀਂ ਕਾਹਨ ਸਿੰਘ ਦੇ ਡੇਰੇ ਵਿੱਚ ਮੱਲ ਸਿੰਘ ਨਾਂਅ ਦੇ ਕਿਸਾਨ ਦੇ ਕਤਲ ਦਾ ਮਾਮਲਾ ਸਾਹਮਣੇ ਆਇਆ ਸੀ ਜਿਸ ਵਿੱਚ ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਜਦੋਂ ਮੁਲਜ਼ਮ ਨੂੰ ਉਸ ਦਾ ਭਰਾ ਮਿਲਣ ਆਇਆ ਤਾਂ ਉਹ ਆਪਣੇ ਭਰਾ ਨਾਲ ਜੇਲ੍ਹ 'ਚੋਂ ਫ਼ਰਾਰ ਹੋ ਗਿਆ। ਇਸ ਤੋਂ ਬਾਅਦ ਪੁਲਿਸ ਨੇ ਮੁਲਜ਼ਮ ਦੇ ਭਰਾ 'ਤੇ ਵੀ ਮਾਮਲਾ ਦਰਜ ਕਰ ਲਿਆ।
ਜ਼ਿਕਰਯੋਗ ਹੈ ਕਿ ਪਿੰਡ ਬਡਰੁੱਖਾਂ ਵਿੱਚ ਮੱਲ ਸਿੰਘ ਆਪਣੇ ਖੇਤਾਂ ਵਿਚ ਜਾਂਦਿਆਂ ਹੋਇਆਂ ਪਾਣੀ ਪੀਣ ਲਈ ਬਾਬਾ ਕਾਹਨ ਸਿੰਘ ਦੇ ਡੇਰੇ ਵਿੱਚ ਰੁੱਕ ਗਿਆ। ਉੱਥੇ ਹੀ ਸਾਧੂ ਪਰਮਜੀਤ ਸਿੰਘ ਤੇ ਸੀਰਾ ਦਾ ਮੱਲ ਸਿੰਘ ਨਾਲ ਵਿਵਾਦ ਹੋ ਗਿਆ ਤੇ ਗੱਲ ਇੰਨੀ ਵੱਧ ਗਈ ਕਿ ਉਨ੍ਹਾਂ ਨੇ ਮੱਲ ਸਿੰਘ ਦਾ ਕਤਲ ਕਰ ਦਿੱਤਾ।
ਪੁਲਿਸ ਨੇ ਬਿਆਨਾਂ ਦੇ ਅਧਾਰ 'ਤੇ ਸਾਧੂ ਪਰਮਜੀਤ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਦੋਂ ਕਿ ਸੀਰਾ ਸਿੰਘ ਫ਼ਰਾਰ ਹੋ ਗਿਆ। ਇਸ ਬਾਰੇ ਪੁਲਿਸ ਨੇ ਦੱਸਿਆ ਕਿ ਕਤਲ ਦੇ ਕਥਿਤ ਮੁਲਜ਼ਮ ਤੇ ਉਸ ਦੇ ਭਰਾ 'ਤੇ ਉਸ ਨੂੰ ਭਜਾਉਣ ਦੇ ਜੁਰਮ ਵਿੱਚ ਕੇਸ ਦਰਜ ਕਰ ਲਿਆ ਗਿਆ ਹੈ।
