ਟੋਕੀਓ: ਭਾਰਤੀ ਮਹਿਲਾ ਹਾਕੀ ਟੀਮ ਦੇ ਸੈਮੀਫਾਈਨਲ ਵਿੱਚ ਪਹੁੰਚਣ ਤੋਂ ਬਾਅਦ, 3 ਅਗਸਤ ਨੂੰ, ਸਾਰਿਆਂ ਦੀਆਂ ਨਜ਼ਰਾਂ ਹੁਣ ਭਾਰਤੀ ਪੁਰਸ਼ ਹਾਕੀ ਟੀਮ 'ਤੇ ਹੋਣਗੀਆਂ, ਜਿਸ ਕੋਲ ਮੰਗਲਵਾਰ ਨੂੰ ਸੈਮੀਫਾਈਨਲ ਮੈਚ ਵਿੱਚ ਬੈਲਜੀਅਮ ਵਿਰੁੱਧ ਓਲੰਪਿਕ ਤਗਮੇ ਦੇ ਸੋਕੇ ਨੂੰ ਖਤਮ ਕਰਨ ਦਾ ਮੌਕਾ ਹੈ।
ਮਨਪ੍ਰੀਤ ਸਿੰਘ ਦੀ ਅਗਵਾਈ ਵਾਲੀ ਟੀਮ ਟੋਕੀਓ ਓਲੰਪਿਕਸ ਵਿੱਚ ਵਧੀਆ ਫਾਰਮ ਵਿੱਚ ਰਹੀ ਹੈ, 1972 ਤੋਂ ਬਾਅਦ ਪਹਿਲੀ ਵਾਰ ਮੁਕਾਬਲੇ ਦੇ ਸੈਮੀਫਾਈਨਲ ਵਿੱਚ ਪਹੁੰਚੀ ਹੈ।
ਇਸ ਮੈਚ ਵਿੱਚ ਜਿੱਤ ਦੇ ਨਾਲ ਹੀ ਭਾਰਤੀ ਟੀਮ ਮੈਡਲ ਪੱਕਾ ਕਰ ਸਕਦੀ ਹੈ।
ਭਾਰਤ ਦੀ ਓਲੰਪਿਕ ਕੁਸ਼ਤੀ ਮੁਹਿੰਮ ਮੰਗਲਵਾਰ ਤੋਂ ਸ਼ੁਰੂ ਹੋ ਰਹੀ ਹੈ। 19 ਸਾਲਾ ਭਾਰਤੀ ਫ੍ਰੀਸਟਾਈਲ ਪਹਿਲਵਾਨ ਸੋਨਮ ਮਲਿਕ 3 ਅਗਸਤ ਨੂੰ ਐਕਸ਼ਨ ਵਿੱਚ ਉਤਰੇਗੀ। ਉਹ ਏਸ਼ੀਆਈ ਚੈਂਪੀਅਨਸ਼ਿਪ ਦੀ ਚਾਂਦੀ ਤਮਗਾ ਜੇਤੂ ਮੰਗੋਲੀਆ ਦੀ ਬੋਲੋਰਤੁਆ ਖੁਰੇਲਖੂ ਦੇ ਖਿਲਾਫ ਆਪਣੀ ਟੋਕੀਓ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ।
ਦੋ ਭਾਰਤੀ ਟ੍ਰੈਕ ਅਤੇ ਫੀਲਡ ਮੁਕਾਬਲਿਆਂ ਵਿੱਚ ਵੀ ਮੁਕਾਬਲਾ ਕਰਨਗੇ। ਅੰਨੂ ਰਾਣੀ ਮਹਿਲਾ ਜੈਵਲਿਨ ਥ੍ਰੋ ਕੁਆਲੀਫਾਇਰ ਵਿੱਚ ਹਿੱਸਾ ਲਵੇਗੀ ਜਦੋਂ ਕਿ ਤਜਿੰਦਰਪਾਲ ਸਿੰਘ ਤੂਰ ਪੁਰਸ਼ਾਂ ਦੇ ਸ਼ਾਟਪੁੱਟ ਕੁਆਲੀਫਾਇਰ ਵਿੱਚ ਹਿੱਸਾ ਲਣਗੇ।
ਸ਼ਾਟ ਪੁਟਰ ਤਜਿੰਦਰਪਾਲ ਸਿੰਘ ਤੂਰ ਵੀ ਉਸ ਗਰੁੱਪ ਵਿੱਚ ਮੁਕਾਬਲਾ ਕਰ ਰਿਹਾ ਹੈ ਜਿਸ ਵਿੱਚ ਪਿਛਲੀਆਂ ਓਲੰਪਿਕ ਖੇਡਾਂ ਵਿੱਚ ਚਾਂਦੀ ਦਾ ਤਗਮਾ ਜੇਤੂ ਅਤੇ ਕਾਂਸੀ ਦਾ ਤਗਮਾ ਜੇਤੂ ਹੈ।
3 ਅਗਸਤ ਭਾਰਤ ਲਈ ਓਲੰਪਿਕ ਪ੍ਰੋਗਰਾਮ
ਸਾਰੇ ਸਮੇਂ ਇੰਡੀਆ ਸਟੈਂਡਰਡ ਟਾਈਮ (IST) ਦੇ ਅਨੁਸਾਰ ਹਨ
*ਅਥਲੈਟਿਕਸ*
ਮਹਿਲਾ ਦੀ ਜੈਵਲਿਨ ਥ੍ਰੋ ਕੁਆਲੀਫਿਕੇਸ਼ਨ : ਗਰੁੱਪ ਏ - ਅਨੂੰ ਰਾਣੀ - ਸਵੇਰੇ 5:50 ਵਜੇ IST
ਪੁਰਸ਼ਾਂ ਦੀ ਸ਼ਾਟ ਪੁਟ ਕੁਆਲੀਫਿਕੇਸ਼ਨ: ਤਜਿੰਦਰਪਾਲ ਸਿੰਘ ਤੂਰ - 3:45 PM IST
*ਹਾਕੀ*
ਪੁਰਸ਼ਾਂ ਦਾ ਸੈਮੀਫਾਈਨਲ: ਭਾਰਤ ਬਨਾਮ ਬੈਲਜੀਅਮ - ਸਵੇਰੇ 7:00 ਵਜੇ IST
*ਕੁਸ਼ਤੀ*
ਮਹਿਲਾਵਾਂ ਦੀ ਫ੍ਰੀਸਟਾਈਲ 62 ਕਿਲੋਗ੍ਰਾਮ ਦਾ ਰਾਉਂਡ 16: ਸੋਨਮ ਮਲਿਕ ਬਨਾਮ ਬੋਲੋਰਤੁਆ ਖੁਰੇਲਖੂ - ਸਮਾਂ ਅਜੇ ਤੈਅ ਨਹੀਂ
ਮਹਿਲਾਵਾਂ ਦੀ ਫ੍ਰੀਸਟਾਈਲ 62 ਕਿਲੋ ਕੁਆਰਟਰ ਫਾਈਨਲ: ਜੇ ਸੋਨਮ ਮਲਿਕ ਕੁਆਲੀਫਾਈ ਕਰਦੀ ਹੈ
ਮਹਿਲਾ ਫ੍ਰੀਸਟਾਈਲ 62 ਕਿਲੋਗ੍ਰਾਮ ਸੈਮੀਫਾਈਨਲ: ਜੇ ਸੋਨਮ ਮਲਿਕ ਕੁਆਲੀਫਾਈ ਕਰਦੀ ਹੈ