ਗੁਹਾਟੀ: ਬੀਤੇ ਦਿਨੀਂ ਅਸਮ ਦੇ ਵਿੱਚ '65ਵਾਂ ਐਮਾਜ਼ਾਨ ਫ਼ਿਲਮਫ਼ੇਅਰ ਐਵਾਰਡਸ 2020' ਹੋਇਆ। ਇਸ ਦੌਰਾਨ ਰਣਵੀਰ ਸਿੰਘ, ਅਕਸ਼ੈ ਕੁਮਾਰ, ਆਯੂਸ਼ਮਾਨ ਖੁਰਾਣਾ, ਕਾਰਤਿਕ ਆਰੀਅਨ ਵਰਗੇ ਕਲਾਕਾਰਾਂ ਨੇ ਆਪਣੀ ਪ੍ਰਫੋਮੇਂਸ ਨਾਲ ਇਸ ਸ਼ਾਮ ਨੂੰ ਹੋਰ ਵੀ ਰੰਗੀਨ ਬਣਾ ਦਿੱਤਾ।
ਅਕਸ਼ੈ ਕੁਮਾਰ ਆਪਣੀ ਫ਼ਿਲਮ 'ਹਾਊਸਫੁੱਲ 4' ਦੇ ਗੀਤ 'ਬਾਲਾ' 'ਤੇ ਥਿਰਕਦੇ ਹੋਏ ਨਜ਼ਰ ਆਏ। ਖ਼ਾਸ ਗੱਲ ਇਹ ਰਹੀ ਕਿ ਅਕਸ਼ੈ ਦੇ ਇੱਕ ਫ਼ੈਨ ਨੇ ਉਨ੍ਹਾਂ ਨੂੰ ਖ਼ਾਸ ਗਿਫ਼ਟ ਵੀ ਦਿੱਤਾ।
ਦਰਅਸਲ ਇਹ ਇੱਕ ਮੈਕੇਨਿਕਲ ਪੇਂਟਿੰਗ ਸੀ ਜਿਸ ਨੂੰ ਰਾਹੁਲ ਪਾਰੇਖ਼ ਨਾਂਅ ਨੇ ਮੋਬਾਇਲ ਫ਼ੋਨ ਅਤੇ ਤਾਰਾਂ ਦੀ ਵਰਤੋਂ ਕਰਕੇ ਬਣਾਇਆ ਸੀ। ਅਕਸ਼ੈ ਆਪਣੇ ਇਸ ਫ਼ੈਨ ਤੋਂ ਕਾਫ਼ੀ ਪ੍ਰਭਾਵਿਤ ਨਜ਼ਰ ਆਏ ਅਤੇ ਉਨ੍ਹਾਂ ਉਸ ਨੂੰ ਔਟੋਗ੍ਰਾਫ਼ ਵੀ ਦਿੱਤਾ।
ਰਾਹੁਲ ਨੇ ਦੱਸਿਆ, "ਉਸ ਨੇ ਮੋਬਾਇਲ ਫ਼ੋਨ ,ਪੇਪਰਪਿਨ ਆਦਿ ਦੀ ਵਰਤੋਂ ਕਰ ਮੈਕੇਨਿਕਲ ਪੇਂਟਿੰਗ ਬਣਾਈ ਹੈ।"
ਰਾਹੁਲ ਨੇ ਅੱਗੇ ਦੱਸਿਆ,"ਉਸ ਨੇ ਇਸ ਨੂੰ ਬਣਾਉਣ ਦੇ ਲਈ ਬਹੁਤ ਮਿਹਨਤ ਕੀਤੀ ਹੈ। ਉਸ ਨੂੰ ਦੋ ਦਿਨ ਲੱਗ ਗਏ ਇਸ ਪੇਂਟਿੰਗ ਨੂੰ ਬਣਾਉਣ ਲਈ। ਰਾਹੁਲ ਨੂੰ ਜਦੋਂ ਪਤਾ ਲੱਗਾ ਕਿ ਅਕਸ਼ੈ ਅਸਮ ਆ ਰਹੇ ਹਨ, ਤਾਂ ਉਹ ਉਨ੍ਹਾਂ ਤੱਕ ਪਹੁੰਚਣ ਤੱਕ ਕਾਮਯਾਬ ਵੀ ਰਿਹਾ।"
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਰਾਹੁਲ ਮਕੈਨੀਕਲ ਪੇਂਟਿੰਗ ਵਾਲੀ ਤਸਵੀਰ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੂੰ ਗਿਫ਼ਟ ਕਰ ਚੁੱਕੇ ਹਨ।
