ਨਵੀਂ ਦਿੱਲੀ: ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐਸਈ) ਨੇ ਐਤਵਾਰ ਨੂੰ ਫੇਸਬੁੱਕ ਦੀ ਸਾਂਝੇਦਾਰੀ 'ਚ ਡਿਜੀਟਲ ਸੁਰੱਖਿਆ, ਆਨਲਾਈਨ ਕਾਰਜ ਤੇ ਸੰਗਠਿਤ ਹਕੀਕਤ 'ਤੇ ਵਿਦਿਆਰਥੀਆਂ ਤੇ ਅਧਿਆਪਕਾਂ ਨੂੰ ਸਿਖਲਾਈ ਦੇਣ ਦਾ ਐਲਾਨ ਕੀਤਾ ਹੈ। ਇਹ ਸਿਖਲਾਈ ਮੋਡੀਯੂਲ ਸੈਕੰਡਰੀ ਸਕੂਲ ਦੇ ਵਿਦਿਆਰਥੀਆਂ ਲਈ ਹੈ। ਇਸ ਦੇ ਕੋਰਸ ਹੁਣ ਸੀਬੀਐਸਈ ਦੀ ਵੈਬਸਾਈਟ ਉੱਤੇ ਉਪਲਬਧ ਹੋ ਗਏ ਹਨ।
ਫੇਸਬੁੱਕ ਨੇ ਕਿਹਾ ਕਿ ਆਨਲਾਈਨ ਸੁਰੱਖਿਆ ਕੋਰਸ 'ਚ ਸੁਰੱਖਿਆ, ਮਾਨਸਿਕ ਸਿਹਤਮੰਦ, ਇੰਸਟਾਗ੍ਰਾਮ ਦੇ ਨਿਯਮਾਂ ਨੂੰ ਸ਼ਾਮਲ ਕੀਤਾ ਜਾਵੇਗਾ ਤਾਂ ਜੋ ਸਿਹਤ ਡਿਜੀਟਲ ਆਦਤਾਂ ਦੀ ਨੀਂਹ ਰੱਖੀ ਜਾ ਸਕੇ।
ਇਸ ਮੋਡੀਯੂਲ ਨੂੰ ਵਿਦਿਆਰਥੀਆਂ ਨੂੰ ਜ਼ਿੰਮੇਵਾਰ ਡਿਜੀਟਲ ਉਪਭੋਗਤਾ ਬਣਨ, ਧਮਕੀਆਂ ਅਤੇ ਪ੍ਰੇਸ਼ਾਨੀਆਂ ਦੀ ਪਛਾਣ ਕਰਨ ਦੇ ਨਾਲ-ਨਾਲ ਗ਼ਲਤ ਜਾਣਕਾਰੀ ਬਾਰੇ ਸਹੀ ਸੇਧ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਤਿਆਰ ਕੀਤਾ ਗਿਆ ਹੈ।
ਸੈਂਟਰ ਫਾਰ ਸੋਸ਼ਲ ਰਿਸਰਚ (ਸੀਐਸਆਰ) ਦੁਆਰਾ ਦਿੱਤੀ ਸਿਖਲਾਈ ਵਿੱਚ ਲਗਭਗ 10,000 ਵਿਦਿਆਰਥੀ ਸ਼ਾਮਲ ਹੋਣਗੇ।
ਇਸ ਸਬੰਧ ਵਿੱਚ, ਕੇਂਦਰੀ ਮਨੁੱਖੀ ਸਰੋਤ ਵਿਕਾਸ ਮੰਤਰੀ ਰਮੇਸ਼ ਪੋਖਰਿਆਲ ਨਿਸ਼ੰਕ ਨੇ ਕਿਹਾ, "ਮੈਂ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਲਈ ਡਿਜੀਟਲ ਸੁਰੱਖਿਆ, ਆਨਲਾਈਨ ਸੁਰੱਖਿਆ ਅਤੇ ਹਕੀਕਤ ਨਾਲ ਸਬੰਧਤ ਪ੍ਰਮਾਣਿਤ ਪ੍ਰੋਗਰਾਮਾਂ ਦੀ ਸ਼ੁਰੂਆਤ ਵਿੱਚ ਸਾਂਝੇਦਾਰੀ ਲਈ ਸੀਬੀਐਸਈ ਅਤੇ ਫੇਸਬੁੱਕ ਨੂੰ ਵਧਾਈ ਦਿੰਦਾ ਹਾਂ।"
ਪਹਿਲੇ ਪੜਾਅ ਵਿੱਚ 10,000 ਅਧਿਆਪਕਾਂ ਨੂੰ ਸਿਖਲਾਈ ਦਿੱਤੀ ਜਾਵੇਗੀ, ਜਦਕਿ ਦੂਜੇ ਪੜਾਅ ਵਿੱਚ 30,000 ਵਿਦਿਆਰਥੀਆਂ ਨੂੰ ਸਿਖਲਾਈ ਦਿੱਤੀ ਜਾਵੇਗੀ।
ਇਹ ਵੀ ਪੜ੍ਹੋ:ਵਿਆਹ ਦੇ 4 ਦਿਨ ਬਾਅਦ ਨਵ ਵਿਆਹੁਤਾ ਜੋੜੇ ਨੇ ਕੀਤੀ ਖੁਦਕੁਸ਼ੀ
