ਢਾਕਾ : ਬੀਤੀ ਰਾਤ ਰਾਜਧਾਨੀ 'ਚ ਸੰਘਣੀ ਆਬਾਦੀ ਵਾਲੇ ਚੌਕਬਾਜ਼ਾਰ ਵਾਲੇ ਇਲਾਕੇ 'ਚ ਕੈਮਮਿਕਲ ਤੇ ਪਲਾਸਟਿਕ ਵੇਅਰਹਾਊਸ 'ਚ ਅੱਗ ਲੱਗ ਗਈ ਜਿਸ ਕਾਰਨ ਲਗਭਗ 69 ਲੋਕਾਂ ਦੀ ਮੌਤ ਹੋ ਗਈ ਹੈ।
ਇਸ ਸਬੰਧੀ ਬੰਗਲਾਦੇਸ਼ ਦੇ ਫ਼ਾਇਰ ਸਰਵਿਸ ਦੇ ਮੁਖੀ ਅਲੀ ਅਹਿਮਦ ਨੇ ਦੱਸਿਆ ਕਿ ਹਾਲੇ ਤਕ ਅਸੀਂ 69 ਲਾਸ਼ਾਂ ਬਰਾਮਦ ਕੀਤੀਆਂ ਹਨ। ਲਾਸ਼ਾਂ ਨੂੰ ਲੱਭਣ ਦੇ ਨਾਲ-ਨਾਲ ਰਾਹਤ ਤੇ ਬਚਾਅ ਦਾ ਕਾਰਜ ਜਾਰੀ ਹੈ। ਇਸ ਸਬੰਧੀ ਹੋਰ ਅਧਿਕਾਰੀ ਨੇ ਦੱਸਿਆ ਕਿ ਅੱਗ ਬੁੱਧਵਾਰ ਦੀ ਰਾਤ ਕਰੀਬ 11 ਵਜੇ ਲੱਗੀ ਹੈ। ਅੱਗ 'ਤੇ ਕਾਬੂ ਪਾਉਣ ਲਈ 30 ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਮੌਜੂਦ ਸਨ। ਉਨ੍ਹਾਂ ਕਿਹਾ ਕਿ ਇਹ ਬਹੁਤ ਹੀ ਵਿਨਾਸ਼ਕਾਰੀ ਅੱਗ ਹੈ। ਅਲੀ ਅਹਿਮਦ ਨੇ ਕਿਹਾ ਕਿ ਗੈਸ ਸਿਲੰਡਰ ਫਟਣ ਕਾਰਨ ਧਮਾਕਾ ਹੋਇਆ ਹੈ ਦੱਸਿਲਆ ਜਾ ਰਿਹਾ ਹੈ ਕਿ ਇਥੇ ਜ਼ਿਆਦਾਤਰ ਸੜਨ ਵਾਲੇ ਪਦਾਰਥ ਪਏ ਹਨ, ਜਿਸ ਕਾਰਨ ਅੱਗ ਬੜੀ ਤੇਜ਼ੀ ਨਾਲ ਫੈਲੀ।
ਇਸ ਤੋਂ ਬਾਅਦ ਅੱਗ ਇੰਨੀ ਵੱਧ ਗਈ ਕਿ ਉਸਦੀ ਲਪੇਟ 'ਚ ਆਲੇ-ਦੁਆਲੇ ਦੀਆਂ ਇਮਾਰਤਾਂ ਵੀ ਆ ਗਈਆਂ। ਫਾਇਰ ਅਧਿਕਾਰੀ ਨੇ ਦੱਸਿਆ ਕਿ ਹਾਦਸੇ 'ਚ ਜ਼ਖਮੀ ਹੋਣ ਵਾਲਿਆਂ 'ਚ ਜ਼ਿਆਦਾ ਗਿਣਤੀ ਔਰਤਾਂ ਤੇ ਬੱਚਿਆਂ ਦੀ ਹੈ। ਜ਼ਖਮੀਆਂ ਨੂੰ ਇਲਾਜ ਲਈ ਨਜ਼ਦੀਕੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ।
