ਹੈਦਰਾਬਾਦ: ਵਟਸਐਪ ਦਾ ਇਸਤੇਮਾਲ ਕਰੋੜਾਂ ਯੂਜ਼ਰਸ ਕਰਦੇ ਹਨ। ਇਸ ਲਈ ਕੰਪਨੀ ਆਪਣੇ ਯੂਜ਼ਰਸ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਆਏ ਦਿਨ ਨਵੇਂ ਫੀਚਰਸ ਪੇਸ਼ ਕਰਦੀ ਰਹਿੰਦੀ ਹੈ। ਹੁਣ ਵਟਸਐਪ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਹੈ ਕਿ ਵਟਸਐਪ ਛੁੱਟੀਆਂ ਦੇ ਸੀਜ਼ਨ ਤੋਂ ਪਹਿਲਾ ਡੈਸਕਟਾਪ ਅਤੇ ਮੋਬਾਈਲ 'ਤੇ ਆਡੀਓ ਅਤੇ ਵੀਡੀਓ ਕਾਲਿੰਗ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਨਵੇਂ ਫੀਚਰਸ ਪੇਸ਼ ਕਰ ਰਿਹਾ ਹੈ।
ਹੁਣ ਯੂਜ਼ਰਸ ਨੂੰ ਵੀਡੀਓ ਕਾਲ 'ਚ ਜ਼ਿਆਦਾ ਇਫੈਕਟਸ ਚੁਣਨ ਦਾ ਆਪਸ਼ਨ ਮਿਲੇਗਾ। ਇਸ ਤੋਂ ਇਲਾਵਾ, ਇਹ ਇੱਕ ਗਰੁੱਪ ਚੈਟ ਵਿੱਚ ਇੱਕ ਕਾਲ ਲਈ ਖਾਸ ਭਾਗੀਦਾਰਾਂ ਨੂੰ ਚੁਣਨ ਦੀ ਯੋਗਤਾ ਵੀ ਜੋੜਦਾ ਹੈ। ਵਟਸਐਪ ਉੱਚ-ਰੈਜ਼ੋਲਿਊਸ਼ਨ ਵੀਡੀਓ ਪੇਸ਼ ਕਰਕੇ ਕਾਲਿੰਗ ਅਨੁਭਵ ਨੂੰ ਬਿਹਤਰ ਬਣਾਉਣ ਦਾ ਵੀ ਦਾਅਵਾ ਕਰ ਰਿਹਾ ਹੈ।
ਵਟਸਐਪ ਨੇ ਵੀਡੀਓ ਕਾਲਾਂ ਲਈ 10 ਇਫੈਕਟਸ ਕੀਤੇ ਸ਼ਾਮਲ
ਇੱਕ ਬਲਾਗ ਪੋਸਟ ਵਿੱਚ ਵਟਸਐਪ ਨੇ ਡੈਸਕਟਾਪ ਅਤੇ ਮੋਬਾਈਲ ਪਲੇਟਫਾਰਮਾਂ 'ਤੇ ਨਵੇਂ ਫੀਚਰ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਹੈ। ਕੰਪਨੀ ਨੇ ਹਾਈਲਾਈਟ ਕੀਤਾ ਹੈ ਕਿ ਹੁਣ ਵੀਡੀਓ ਕਾਲਾਂ ਵਿੱਚ 10 ਇਫੈਕਟਸ ਨੂੰ ਸ਼ਾਮਲ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਪਪੀ ਈਅਰ, ਅੰਡਰਵਾਟਰ ਅਤੇ ਕਰਾਓਕੇ ਮਾਈਕ੍ਰੋਫੋਨ ਸ਼ਾਮਲ ਹਨ। ਗਰੁੱਪ ਚੈਟਸ ਵਿੱਚ ਯੂਜ਼ਰਸ ਪੂਰੀ ਚੈਟ ਵਿੱਚ ਵਿਘਨ ਪਾਏ ਬਿਨ੍ਹਾਂ ਕਾਲ ਲਈ ਵਿਸ਼ੇਸ਼ ਭਾਗੀਦਾਰਾਂ ਦੀ ਚੋਣ ਕਰ ਸਕਦੇ ਹਨ।
ਇੰਸਟੈਂਟ ਮੈਸੇਜਿੰਗ ਪਲੇਟਫਾਰਮ ਦਾ ਕਹਿਣਾ ਹੈ ਕਿ ਕੰਪਨੀ ਵਟਸਐਪ ਡੈਸਕਟਾਪ ਐਪ 'ਤੇ ਕਾਲ ਟੈਬ ਲਈ ਹੋਰ ਵਿਕਲਪ ਲਿਆਉਂਦੀ ਹੈ। ਹੁਣ ਇੱਕ ਕਾਲ ਸ਼ੁਰੂ ਕਰਨ, ਇੱਕ ਕਾਲ ਲਿੰਕ ਬਣਾਉਣ ਅਤੇ ਇੱਕ ਨੰਬਰ ਡਾਇਲ ਕਰਨ ਦੇ ਵਿਕਲਪ ਹਨ। ਇਹ ਵਿਅਕਤੀਗਤ ਅਤੇ ਗਰੁੱਪ ਕਾਲਾਂ ਵਿੱਚ ਸਪੱਸ਼ਟ ਤਸਵੀਰ ਦੇ ਨਾਲ ਉੱਚ-ਰੈਜ਼ੋਲਿਊਸ਼ਨ ਵੀਡੀਓ ਕਾਲਿੰਗ ਦੀ ਵੀ ਪੇਸ਼ਕਸ਼ ਕਰਦਾ ਹੈ। ਧਿਆਨ ਦੇਣ ਯੋਗ ਹੈ ਕਿ ਇਹ ਫੀਚਰ ਹਾਲ ਹੀ ਦੇ ਮਹੀਨਿਆਂ 'ਚ ਵਟਸਐਪ 'ਤੇ ਪੇਸ਼ ਕੀਤੇ ਗਏ ਨਵੇਂ ਫੀਚਰਸ 'ਚ ਸ਼ਾਮਲ ਹਨ।
ਇਹ ਵੀ ਪੜ੍ਹੋ:-
