ମାତିଲେ ହାତୀପଲ, ପାଚିଲା ଧାନ ଫସଲ କଲେ ନଷ୍ଟ

ଖୋର୍ଦ୍ଧା: ପୁଣି ମାତିଲେ ହାତୀପଲ । ପାଚିଲା ଧାନ ଫସଲ ଦଳି ଚକଡି ନଷ୍ଟ କରିବା ସହ ଉଜାଡି ଦେଲେ ଚଷାପୁଅର ବର୍ଷକର ପରିଶ୍ରମ। ଏଭଳି ଦୃଶ୍ୟ ଦେଖିବାକୁ ମିଳିଛି ଖୋର୍ଦ୍ଧା ଟାଙ୍ଗୀ ବ୍ଲକ କମାଗୁରୁ ପଞ୍ଚାୟତ ବେଲପଦା ଗ୍ରାମରେ। ବୁଧବାର ରାତିରେ ୫ ରୁ ଅଧିକ ଜଙ୍ଗଲୀହାତୀ ବେଲପଦା ଗ୍ରାମ ନିକଟ ଚାଷ ଜମିରେ ପଶି ଏକର ଏକର ପାଚିଲା ଧାନ ଫସଲ ନଷ୍ଟ କରିଛନ୍ତି। ଏହା ସହିତ କାକୁଡି ଚାଷ ହୋଇଥିବା ଜମିରେ ପଶି ହାତୀପଲ ବହୁ କ୍ଷୟକ୍ଷତି କରିଥିବା ଜଣାପଡିଛି। ଏନେଇ ଚାଷୀଙ୍କୁ ସରକାରୀ ସହାୟତା ଯୋଗାଇ ଦେବାକୁ ସାଧାରଣରେ ଦାବି ହୋଇଛି। ଦେଖନ୍ତୁ କେମିତି ଉତପାତ୍ କରୁଛନ୍ତି ହାତୀପଲ । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ