Panchayat Election: ଭୋଟର କହିଲେ ଚାଷୀକୂଳର ସୁଖଦୁଃଖ ସାଥୀକୁ ଦେବୁ ଭୋଟ

ବ୍ରହ୍ମପୁର: ଚାଷୀଙ୍କ ସମସ୍ୟାକୁ ଯିଏ ଗୁରୁତ୍ୱ ଦେବ ସେହି ପ୍ରାର୍ଥୀଙ୍କୁ ହିଁ ଭୋଟ ଦେବେ କହିଲେ ଭୋଟର । ଚାଷୀକୂଳର ସୁଖଦୁଃଖରେ ଯେଉଁମାନେ ଦୀର୍ଘଦିନ ଧରି ବିହନ ଯୋଗାଣ ଠାରୁ ଆରମ୍ଭ କରି ଅଭାବୀ ଧାନ ବିକ୍ରି ସମୟରେ ବ୍ୟବସ୍ଥା କରିଛନ୍ତି ସେହି ବ୍ୟକ୍ତିଙ୍କୁ ଚୟନ କରିବେ । ନିର୍ବାଚନକୁ ନେଇ ଏପରି କହିଛନ୍ତି ଗଞ୍ଜାମ ଜିଲ୍ଲା ଛତ୍ରପୁର ବ୍ଳକର ପୋଟ୍ଟଲାମପୁର ପଞ୍ଚାୟତବାସୀ । ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଚୂଡାନ୍ତ ତାଲିକା ପ୍ରକାଶ ପାଇବା ପରେ ଘରକୁ ଘର ବୁଲି ପ୍ରଚାର ଆରମ୍ଭ କରିଦେଇଛନ୍ତି ପ୍ରାର୍ଥୀ । ଏହି ପରିପ୍ରେକ୍ଷୀରେ ଭୋଟର ମଧ୍ୟ କାହାକୁ ଭୋଟ୍ ଦେବେ ସେନେଇ ମନସ୍ଥ କରିସାରିଲେଣି । ଶୁଣନ୍ତୁ କଣ କହୁଛନ୍ତି ପୋଟ୍ଟଲାମପୁର ପଞ୍ଚାୟତବାସୀ । ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ