ଯାଜପୁରରେ ପୁଣି 57 କୋରୋନା ପଜିଟିଭ ଚିହ୍ନଟ, ଭୟଭୀତ ଜିଲ୍ଲାବାସୀ

ଯାଜପୁର: ଜିଲ୍ଲାରେ ସୋମବାର ୫୭ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 623ରେ ପହଞ୍ଚିଛି । ଆକ୍ରାନ୍ତ 57 ଜଣଙ୍କ ମଧ୍ୟରେ ବରୀ ବ୍ଲକର 23, କୋରେଇ ବ୍ଲକର ୭, ଯାଜପୁର ବ୍ଲକ ୮, ବିଞ୍ଝାରପୁର ବ୍ଳକର ୭, ଦଶରଥପୁର ବ୍ଳକର ୫, ଦାନଗଦି ଓ ରସୁଲପୁର ବ୍ଲକର ୨ ଜଣ ଲେଖାଏଁ, ଧର୍ମଶାଳା,ବଡ଼ଚଣା ଓ ଯାଜପୁର ପୌରପାଳିକାରୁ ଜଣେ ଲେଖାଏଁ ଚିହ୍ନଟ ହେଇଛନ୍ତି । ପ୍ରତ୍ୟେକ ଦିନ ଜିଲ୍ଲାରେ ଏତେ ପରିମାଣର କୋରୋନା ଆକ୍ରାନ୍ତ ଚିହ୍ନଟ ହେବା ଫଳରେ ଜିଲ୍ଲାବାସୀ ଭୟଭୀତ ରହିଛନ୍ତି । ସେପଟେ ଏନେଇ ଜିଲ୍ଲାବାସୀଙ୍କ ସହ ଅଧିକ ଆଲୋଚନା କରିଛନ୍ତି ଆମ ପ୍ରତିନିଧି । ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ