କୋଭିଡ ଗାଇଡଲାଇନ ମାନି ପରିବାର ସହ ହୋଲି ଖେଳିଲେ ଯୁବପିଢି

ଖୋର୍ଦ୍ଧା: କୋରୋନା କଟକଣା ଅନୁସାରେ ପରିବାର ସହ ହୋଲି ଖେଳିଲେ ଯୁବପିଢି । ଆଜି ରଙ୍ଗ ଓ ଭାଇଚାରାର ପର୍ବ ହୋଲି, କିନ୍ତୁ କେଉଁଠି ନାହିଁ ହୋଲିକୁ ନେଇ ଉତ୍ସାହ ଓ ଉଦ୍ଦୀପନା । ସବୁଠି ଖାଁ ଖାଁ ପରିବେଶ । କରୋନା ପାଇଁ ସର୍ବ ସାଧାରଣ ସ୍ଥାନରେ ହୋଲି ଖେଳିବା ଉପରେ ରାଜ୍ୟ ସରକାର କଟକଣା ଲଗାଇବା ପରେ ନିଜ ପରିବାର ସହ ହୋଲି ଖେଳି ଉତ୍ସବ ମନାଉଛନ୍ତି ଖୋର୍ଦ୍ଧା ଜିଲ୍ଲା ବଡବେରଣା ଗ୍ରାମର ଯୁବଗୋଷ୍ଠୀ । କୋରୋନା କଡ ଲେଉଟାଇବା ସମସ୍ତଙ୍କ ଚିନ୍ତାର କାରଣ ପଲଟିଥିବା ବେଳେ ହୋଲିକୁ ମଧ୍ୟ ସରକାରଙ୍କ ଗାଇଡ଼ଲାଇନ ଅନୁସାରେ ପାଳନ କରି ଯୁବଗୋଷ୍ଠୀ ଉତ୍ସବ ମନାଉଥିବା ଦେଖିବାକୁ ମିଳିଛି ।