କୋରୋନା ଯୋଗୁଁ ଫିକା ପଡିଲା ରଜ ସଂକ୍ରାନ୍ତି, ମନ୍ଦିରରେ ନାହିଁ ଭକ୍ତଙ୍କ ଗହଳି

କଟକ: କୋରୋନା ଯୋଗୁଁ ଫିକା ପଡିଛି ରଜ ସଂକ୍ରାନ୍ତି । ରଜ ସଂକ୍ରାନ୍ତିରେ ମନ୍ଦିରରେ ଲାଗିଥାଏ ହଜାର ହଜାର ଭକ୍ତଙ୍କ ଭିଡ଼ । ହେଲେ କୋରୋନା ପାଇଁ ସବୁକିଛି ଉଜୁଡି ଯାଇଛି । କୋରୋନା କଟକଣା ଯୋଗୁଁ ଭକ୍ତ ମଧ୍ୟ ମନ୍ଦିରକୁ ଆସିପାରୁନାହିଁ । ତେବେ ସୋମବାର କଟକର ପ୍ରମୁଖ ପୀଠ କଟକ ଚଣ୍ଡୀ, ଗଡ଼ଚଣ୍ଡୀ ଓ ଗଡ଼ଗଡ଼ିଆ ମନ୍ଦିର ଖାଁ ଖାଁ ଲାଗୁଛି । ଯିଏ ବି ଭକ୍ତ ରାସ୍ତାରେ ଯାଉଛନ୍ତି ସେହି ସ୍ଥାନରେ ରହି ଭଗବାନଙ୍କ ଆର୍ଶୀବାଦ ଭିକ୍ଷା କରୁଛନ୍ତି । ତେବେ ମନ୍ଦିର ଖୋଲିବା ପାଇଁ ସରକାରୀ କଟକଣା ଲାଗିଥିବାବେଳେ କେବେ ମନ୍ଦିର ଖୋଲିବ ତାକୁ ନେଇ ମଧ୍ୟ ଭକ୍ତମାନେ ଚାହିଁ ବସିଛନ୍ତି । କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ