ସୁବର୍ଣ୍ଣପୁର: ବିରମହାରାଜପୁର ଥାନା ଭୁତିଆପାଲିଠାରେ ମର୍ମନ୍ତୁଦ ସଡକ ଦୁର୍ଘଟଣା । ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ସୂଚନା ।
ବିରମହାରାଜପୁର ଅମରପାଲି ରାସ୍ତା ଭୁତିଆପାଳି ଛକରେ ବାଇକ ଓ ଟ୍ରକ ମୁହାଁ ମୁହିଁ ଧକ୍କା ଫଳରେ ଭୁତିଆପାଲି ଗାଁର ମଦନ ମହାନନ୍ଦଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି । ଗୁରୁତର ବ୍ୟକ୍ତି ଜଣକ ବାଗବର ଗାଁର ଉମେଶ ଭୋଇ ବୋଲି ଜଣା ପଡିଛି ।
ମୂର୍ଷୁଣ୍ଢିରୁ ଉଭୟ ଶାଳକ ଭିଣୋଇ ବାଇକ ଯୋଗେ ଭୁତିଆପାଲି ଯାଉଥିବା ବେଳେ ଅମରପାଲିରୁ ବିରମହାରାଜପୁରକୁ ଆସୁଥିବା ଟ୍ରକ ସହିତ ମୁହାଁ ମୁହିଁ ଧକ୍କା ହୋଇଥିଲା । ମଦନଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଗୁରୁତର ଅବସ୍ଥାରେ ଉମେଶଙ୍କୁ ପୋଲିସ ଗାଡ଼ିରେ ବିରମହାରାଜପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
