ରାୟଗଡା: ଆସିଷ୍ଟାଣ୍ଟ ଇଞ୍ଜିନିୟରଙ୍କ ଘରେ ଭିଜିଲାନ୍ସ ଚଢାଉ । ଶ୍ବଶୁର ଲିଙ୍କରେ ଜ୍ବାଇଁ ଘରେ ଭିଜିଲାନ୍ସ । ନୂଆପଡା ଜିଲ୍ଲା ଖରିଆର ରେଞ୍ଜର ସଦାନନ୍ଦ ସୁନାନିଙ୍କ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ ଜାରି ରଖିଛି ଭିଜିଲାନ୍ସ ।
ଆସିଷ୍ଟାଣ୍ଡ ଇଞ୍ଜିନିୟରଙ୍କ ଘରେ ଭିଜିଲାନ୍ସ ଚଢାଉ
ରାଜ୍ୟରେ 6ଟି ସ୍ଥାନରେ ଚଢାଉ ଜାରି ରଖିଛି ଭିଜିଲାନ୍ସ । ସେଥିରୁ ରାୟଗଡା ସ୍ଥିତ ତାଙ୍କ ଜ୍ଵାଇଙ୍କ ବାସଭବନରେ ମଧ୍ୟ ଚଢାଉ ହୋଇଛି । ରାୟଗଡାରେ ପୂର୍ତ୍ତ ବିଭାଗର ଆସିଷ୍ଟାଣ୍ଟ ଇଞ୍ଜିନିୟର ଥିବା ତାଙ୍କ ଜ୍ବାଇଁ ବିରେନ୍ଦ୍ର ଖୁରାଙ୍କ ରାୟଗଡା ସହରର ବାଲାଜି ଟାବାରରେ ଥିବା ବାସଭବନରେ ଭିଜିଲାନ୍ସ ପକ୍ଷରୁ ଯାଞ୍ଚ ଜାରି ରହିଛି ।
ରାୟଗଡା ଭିଜିଲାନ୍ସର ଏକ ସ୍ଵତନ୍ତ୍ର ଟିମ ସମ୍ପତ୍ତି ଯାଞ୍ଚ କରୁଛନ୍ତି । ବର୍ତ୍ତମାନ ଚଢ଼ାଉ ଚାଲିଥିବା ବେଳେ ସଠିକ ଆକଳନ ହୋଇନଥିବା ଭିଜିଲାନ୍ସ ଡିଏସପି ସୂଚନା ଦେଇଛନ୍ତି । ଚଢ଼ାଉ ଶେଷ ପରେ ସମସ୍ତ ତଥ୍ୟ ଜଣାପଡିବ ବୋଲି କହିଛନ୍ତି ଭିଜିଲାନ୍ସ ଡିଏସପି ।
ରାୟଗଡାରୁ ରଞ୍ଜନ କୁମାନ ରଥ, ଇଟିଭି ଭାରତ
