ବ୍ରହ୍ମଗିରି: ପୁରୀ ଜିଲ୍ଲା ବ୍ରହ୍ମଗିରି ବ୍ଲକ ସଦର ଥାନା ଅନ୍ତର୍ଗତ କପିଳେଶ୍ବରପୁର ପଞ୍ଚାୟତରେ ମଦ ପିଇ ଯୁବକର ମୃତ୍ୟୁ । ଶତାଧିକ ଉତ୍ତ୍ୟକ୍ତ ମହିଳା ଏକତ୍ରିତ ହୋଇ ଦେଶୀ ମଦଭାଟି ଭାଙ୍ଗି ଦେଇଛନ୍ତି ।
କପିଳେଶ୍ବରପୁର ପଞ୍ଚାୟତ ଅଧୀନ ବିଲକାଙ୍କୁଡା ଗ୍ରାମର ସଦେଇ ନାୟକର ମୁତ୍ୟୁ ହୋଇଥିଲା । ସେହି ଗ୍ରାମ ପଞ୍ଚାୟତର ଶତାଧିକ ମହିଳା ଏକତ୍ରିତ ହୋଇ ମଦ ପିଇ ସଦେଇର ମୁତ୍ୟୁ ହୋଇଥିବା ଅଭିଯୋଗ କରିଛନ୍ତି । ଶୁକ୍ରବାର ଦିନ ମହିଳା ମାନେ ହାତରେ ଠେଙ୍ଗାବାଡି ଧରି ଉକ୍ତ ପଞ୍ଚାୟତର ଗେଣ୍ଡାପଡ଼ା ହରିଜନ ସାହିରେ ତିଆରି ହେଉଥିବା ଦେଶୀ ମଦ ଭାଟି ଉପରେ ଅତର୍କିତ ଆକ୍ରମଣ କରିଛନ୍ତି ।
ମଦ ତିଆରିରେ ବ୍ୟବହୃତ ହେଉଥିବା ପୋଚ, ବ୍ୟାରେଲ ଓ ଅନ୍ୟାନ୍ୟ ଆସବାବପତ୍ର ଏକତ୍ରିତ କରି ନିଆଁ ଲଗାଇ ଦେଇଛନ୍ତି । ଏହା ସହିତ ସେହି ଘରକୁ ଭାଙ୍ଗି ମାଟିରେ ମିଶାଇ ଦେଇଛନ୍ତି । କପିଳେଶ୍ବରପୁର ପଞ୍ଚାୟତକୁ ସମ୍ପୂର୍ଣ ମଦମୁକ୍ତ କରିବା ପାଇଁ ମହିଳା ମାନେ ସଂକଳ୍ପ ନେଇଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ,ଇଟିଭି ଭାରତ