ନୂଆପଡା: 2 ବାଘ ଛାଲ ବ୍ୟବସାୟୀଙ୍କୁ ଗିରଫ କଲା ଏସଟିଏଫ । ନୂଆପଡା ଜିଲ୍ଲା ସିନାପାଲି ଥାନା ପାଳସାପଡା ଛକ ଠାରେ ଚାଞ୍ଚଲ୍ୟକର ଘଟଣା । ଏକ ବାଘ ଛାଲ ଜବତ ସହ ଦୁଇ ଜଣ ବ୍ୟବସାୟୀଙ୍କୁ କ୍ରାଇମବ୍ରାଞ୍ଚର STF ଟିମ ଇନସ୍ପେକ୍ଟର ଇଶ୍ବର କିରୋଙ୍କ ନେତୃତ୍ବରେ ଗିରଫ କରିବାରେ ସଫଳ ହୋଇଛି । 2 ବ୍ୟବସାୟୀ ମାନଙ୍କ ମଧ୍ୟରେ ଜଣେ ବିଜୁ ଜନତା ଦଳର ନେତା ଥିବା ଜଣାପଡିଛି ।
STF ଜାଲରେ ବିଜେଡି ନେତା
ଏହି ନେତା ଜଣଙ୍କ ବଲାଙ୍ଗୀର ଜୋନ ଉପ ସଭାପତି ସୁବିର ସିଂ ଦେଓ ବୋଲି ଜଣାପଡିଛି । ସୁବିର ସିଂ ଦେଓଙ୍କ ଘର ଖଡ଼ିଆଳ ବୋଲି ଜଣାପଡିଛି । ଅନ୍ୟଜଣେ ଅଭିଯୁକ୍ତ ସିନାପାଲି ଥାନା ଫୁଲଚି ଗ୍ରାମର ସମନ ମାଝୀ ବୋଲି STF ସୂଚନା ଦେଇଛନ୍ତି । ସୋମବାର ଅଭିଯୁକ୍ତ ମାନଙ୍କ ବିରୁଦ୍ଧରେ ଏକ ମାମଲା ରୁଜୁ ହୋଇ କୋର୍ଟ ଚାଲାଣ କରିଥିବା STF ସ୍ପଷ୍ଟ କରିଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
