ଲଗାଣ ବର୍ଷାରେ ବେହାଲ ନୟାଗଡ, ଜଳବନ୍ଦୀ ଜୀବନ କାଟୁଛନ୍ତି ଲୋକେ

ନୟାଗଡ଼ରେ ଲଗାଣ ବର୍ଷା । ଜିଲ୍ଲାର ଅଧିକାଂଶ ସ୍ଥାନ ଜଳମଗ୍ନ ହୋଇଯାଇଛି । ଲୋକଙ୍କ ଘରେ ପଶିଲା ପାଣି । ଅଧିକ ପଢନ୍ତୁ

ନୟାଗଡ଼ : ଲଗାଣ ବର୍ଷାରେ ନୟାଗଡ଼ର ସ୍ଥିତି ବେହାଲ ହୋଇପଡିଛି । ଜିଲ୍ଲାର ଅଧିକାଂଶ ସ୍ଥାନ ଜଳମଗ୍ନ ହୋଇଯାଇଛି । ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଲଗାଣ ବର୍ଷା ଯୋଗୁଁ ଜିଲ୍ଲାର ଦେବୋତ୍ତର କଲୋନୀ ଶ୍ରୀହରି ବିହାରରେ ଲୋକଙ୍କ ଘରେ ପାଣି ପଶି ଯାଇଛି ।

ଡ୍ରେନେଜ ବ୍ୟବସ୍ଥା ଠିକ ନ ଥିବାରୁ ଏଭଳି ସ୍ଥିତି ଉପୁଜିଛି ବୋଲି ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା । ଫଳରେ ଜଳବନ୍ଦୀ ଭାବେ ଜୀବନ କାଟୁଛନ୍ତି ଲୋକେ । ଲୋକଙ୍କ ଜୀବନ ଯାତ୍ରା ପ୍ରଭାବିତ ହୋଇଛି । ଦିନ ତମାମ ବର୍ଷା ଲାଗି ରହିଛି l କେବଳ ସେତିକି ନୁହେଁ ଜିଲ୍ଲାର ବିଭିନ୍ନ ସ୍ଥାନରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି l

ନୟାଗଡ଼,ଇଟିଭି ଭାରତ