ରାଇରଙ୍ଗପୁର: ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର । ଏପରି ଏକ ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଜିଲ୍ଲା ଗୋରୁମହିଷାଣି ଥାନା ଅଧୀନରେ ଥିବା କୁଲେଇଶିଳା ବଜାରରେ । ମୃତ ଯୁବକ ଜଣକ ହେଲେ ସେହି ଅଞ୍ଚଳର ଭାଟିଆ ଓରଫ ରାଜକୁମାର ଯୋଶୀ ।
ଭିଡିଓ ସୌଜନ୍ୟ: ପ୍ରତିନିଧି ରାଇରଙ୍ଗପୁର
ରାଜକୁମାର ଜଣେ ଧର୍ମପରାୟଣ ଯୁବକ। ତେବେ ପାରିବାରିକ ଅଶାନ୍ତି ଯୋଗୁଁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ନିଜ ଘରେ ଭିତର ପଟୁ କବାଟ ଲଗାଇ ଝୁଲନ୍ତା ଅବସ୍ଥାରେ ରାଜକୁମାର ଆତ୍ମହତ୍ୟା କରିଥିବାବେଳେ ଏ ବିଷୟରେ ଖବର ପାଇ ଗୋରୁମହିଷାଣୀ ପୁଲିସ ଘଟଣାସ୍ଥଳରେ ପହଞ୍ଚି ମୃତ ଦେହକୁ ଜବତ କରିଛି । ଏହାପରେ ଶବ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନା ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
