ବାରିପଦା: ମୟୁରଭଞ୍ଜ ବେତନଟୀ ରେଞ୍ଜ ଅଁଳା ଗ୍ରାମପଞ୍ଚାୟତର ବଡ଼ଗୁମା ସାପ୍ତାହିକ ହାଟ ଭିତରେ ପଶିଲା ଝାଡଖଣ୍ଡୀ ହାତୀ। ହାଟ ଭିତରେ ଥିବା ପରିବା ଦୋକାନରୁ ପରିବା ଖାଇଲା ଦନ୍ତା।
ହାଟରେ ପରିବା ଖାଉଛି ଦନ୍ତା ହାତୀ , ଭୟଭୀତ ଲୋକ
ଜିଲ୍ଲାରେ ଜାରି ରହିଛି ହାତୀ ଉପଦ୍ରବ। ରାସଗୋବିନ୍ଦପୁର ରେଞ୍ଜ ଓ ବେତନଟୀ ରେଞ୍ଜରେ ଝାଡଖଣ୍ଡ ଦଲମା ଜଙ୍ଗଲରୁ ଆସିଥିବା ହାତୀଙ୍କ ଆତଙ୍କରେ ଆତଙ୍କିତ ଅଞ୍ଚଳବାସୀ। ଶୁକ୍ରବାର ଏକ ଝାଡଖଣ୍ଡୀ ଦନ୍ତା ହାତୀ ସାପ୍ତାହିକ ହାଟ ଭିତରେ ପଶି ପରିବା ଖାଉଥିବା ଦେଖିବାକୁ ମିଳିଛି । ଲୋକେ ଦନ୍ତା ହାତୀ କୁ ଦେଖି ଭୟରେ ଦୋକାନ ଛାଡି ପଳାଇଥିଲେ। ତେବେ କିଛି ସମୟ ପରେ ବନ ବିଭାଗର କର୍ମଚାରୀ ମାନେ ଦନ୍ତା ହାତୀକୁ ହାଟ ଭିତରୁ ଘଉଡ଼ାଇ ଜଙ୍ଗଲରେ ଛାଡିଥିବା ଜଣାପଡିଛି।
ତେବେ ହାତୀଟି ସାମାନ୍ୟ ଆହାତ ଥିବା ବେଳେ ଖାଦ୍ୟ ସଂଗ୍ରହ ପାଇଁ ହାଟ ଭିତରେ ପଶିଯାଇଥିବା ଜଣାପଡିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
