ମାଲକାନଗିରି: ଯୁବ ଛାତ୍ର ଜନତା ଦଳ ପକ୍ଷରୁ ମାସ୍କ ବଣ୍ଟନ ସହ ସଚେତନତା ଶୋଭାଯାତ୍ରା ଅନୁଷ୍ଠିତ । ମାଲକାନଗିରି ଜିଲ୍ଲା ପୌରପରିଷଦରେ ଯୁବ ଛାତ୍ର ଜନତା ଦଳ ତରଫରୁ ଶୁକ୍ରବାର ଜନ ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଛି।
ପୂର୍ବତନ ବିଧାୟକ ମୁକୁନ୍ଦ ସୋଡିଙ୍କ ସଭାପତିତ୍ୱରେ ଏହି ଶୋଭାଯାତ୍ରା ଆୟୋଜନ କରାଯାଇଛି । ଏହି ଶୋଭାଯାତ୍ରାରେ ପ୍ରଥମେ ଅତିଥିଙ୍କ ଦ୍ୱାରା ମାସ୍କ ବଣ୍ଟନ ଓ ସହର ସଫେଇ କରାଯାଇଥିଲା। ପରେ ମାସ୍କ ପିନ୍ଧିବା, ହାତ ଧୋଇବା, ସାନିଟାଇଜର ବ୍ୟବହାର କରିବା, ସାମାଜିକ ଦୂରତା ବଜାୟ ରଖିବା ଏବଂ ଯେ ପର୍ଯ୍ୟନ୍ତ ଟିକା ଆସିନାହିଁ ସେ ପର୍ଯ୍ୟନ୍ତ ନିଜକ ସୁରକ୍ଷିତ ରଖିପାରିବା ନେଇ ଅତିଥିମାନେ ଲୋକଙ୍କୁ ସଚେତନ କରାଇଛନ୍ତି ।
ଏହାଛଡା ଆଗାମୀ ଦିନରେ ପ୍ରତ୍ୟେକ ପଞ୍ଚାୟତରେ ଏହିପରି ଜନସଚେତନ କାର୍ଯ୍ୟକ୍ରମ ଆୟୋଜନ କୋରାଯିବ ବୋଲି ଅତିଥିମାନେ ମତପ୍ରଦାନ କରିଛନ୍ତି। ଆଜିର ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବିଜେଡିର ସମସ୍ତ ଯୁବ କାର୍ଯ୍ୟକର୍ତ୍ତା ଉପସ୍ଥିତ ରହିଥିଲେ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
