କୋରାପୁଟ : ଦାମନଯୋଡିରେ ଆରମ୍ଭ ହୋଇଯାଇଛି ଶ୍ରୀଜଗନ୍ନାଥ ମହୋତ୍ସବ । ଏହି ଉତ୍ସବକୁ ଉଦଘାଟନ କରିଛନ୍ତି ଗଜପତି ବିଦ୍ୟସିଂହ ଦେବ। ଉତ୍ସବରେ ରାଞ୍ଚି ଚିନ୍ମୟ ମିଶନର ଶ୍ରୀ ମାଧବାନନ୍ଦ ସରସ୍ୱତୀ ମହାରାଜ ଏବଂ ଅନେକ ସାଧୁସନ୍ଥ ଯୋଗ ଦେଇଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା, କୋରାପୁଟ
ଭୁବନେଶ୍ୱର ସ୍ଥିତ ଶ୍ରୀ ଜଗନ୍ନାଥ ସଂସ୍କୃତି ପରିଷଦର ଏବଂ ଦାମାନଯୋଡି ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟି ଆନୁକୂଲ୍ୟରେ ଆୟୋଜିତ ହୋଇଛି ଏହି ମହୋତ୍ସବ। ଶ୍ରୀପୁରୁଷୋତ୍ତମ କ୍ଷେତ୍ର ମହାତ୍ମ୍ୟ , ଶ୍ରୀଜଗନ୍ନାଥ ଛପନ ଭୋଗ , ଶ୍ରୀଜଗନ୍ନାଥ ବେଶ ଏବଂ ଶ୍ରୀଜଗନ୍ନାଥ ନବକଳେବର ଓ ଲୀଳାକ୍ଷେତ୍ର ଫଟୋ ପ୍ରଦର୍ଶନୀ ଭକ୍ତଙ୍କୁ ବିଶେଷ ଭାବେ ଆକର୍ଷିତ କରିଛି ।
ଆସନ୍ତା ୧୬ ତାରିଖ ପର୍ଯ୍ୟନ୍ତ ଏହା ଚାଲିବ । ପ୍ରତିଦିନ ଏଠାରେ ଆଧ୍ୟାତ୍ମିକ ସାରସ୍ୱତ ପ୍ରବଚନ ଓ ପାରାୟଣ ତଥା ବୈଦିକ ଯଜ୍ଞ ଓ ନାମ ସଂକୀର୍ତ୍ତନ କରାଯାଉଛି । ଏହି ନାମ କୀର୍ତ୍ତନ ସ୍ଥାନୀୟ ଅଞ୍ଚଳରେ ଭକ୍ତିମୟ ପରିବେଶ ସୃଷ୍ଟି କରିଥିବା କହିଛନ୍ତି ଜେ ଶ୍ରଦ୍ଧାଳୁ ।
କୋରାପୁଟରୁ ସି ଏଚ ଶାନ୍ତାକାର ,ଇଟିଭି ଭାରତ
