କୋରାପୁଟ: 7 ଟି ନୂଆ ବିଷୟରେ inter-disciplinary programmes ଆରମ୍ଭ କରିବ କୋରାପୁଟ କେନ୍ଦ୍ରୀୟ ବିଶ୍ବବିଦ୍ୟାଳୟ । ଆସନ୍ତା ଶିକ୍ଷା ବର୍ଷରୁ (2021) ଏହି ପାଠ୍ୟକ୍ରମ ଆରମ୍ଭ ହେବ । ଏ ନେଇ ବୁଧବାର ବସିଥିବା 18 ତମ ବୈଠକରେ ଘୋଷଣା କରିଛନ୍ତି ଭିସି ପ୍ରଫେସର ରାମବ୍ରହ୍ମମ ।
କୋରୋନା ଭାଇରସ କଟକଣା ମଧ୍ୟରେ ସାମାଜିକ ଦୂରତ୍ବ ରକ୍ଷା କରିବା ପାଇଁ ଅନଲାଇନ ମୋଡରେ ମତାମତ ନେଇ ଏ ନେଇ ନିଷ୍ପତ୍ତି ନିଆଯାଇଛି । ତେବେ ଏଥିପାଇଁ ଚୟନ ହୋଇଥିବା ବିଷୟ ଗୁଡିକ ମଧ୍ୟରେ ଜୀବ ବିଜ୍ଞାନ, ଭୌତିକ ବିଜ୍ଞାନ, ରସାୟନ ବିଜ୍ଞାନ, ସୋସିଆଲ ୱାର୍କ, ମନୋବିଜ୍ଞାନ, ରାଜନୀତି ବିଜ୍ଞାନ, ଲୋକ ପ୍ରଶାସନ, ପବ୍ଲିକ ହେଲ୍ଥ ରହିଛି ।
ପ୍ରଥମ ଥର ପାଇଁ ଏହି ଉଚ୍ଚ ସ୍ତରୀୟ ବୈଠକ 18 ଜଣିଆ ସଦସ୍ୟଙ୍କୁ ନେଇ ସୁନାବେଡା କ୍ୟାମ୍ପସରରେ ଅନୁଷ୍ଠିତ ହୋଇଛି ।
ବିଶ୍ବବିଦ୍ୟାଳୟର କୂଳପତି ପ୍ରଫେସର ରାମବ୍ରହ୍ମମ ସଦସ୍ୟମାନଙ୍କୁ ସ୍ବାଗତ କରିଥିଲେ। ଏହି ବୈଠକରେ ଇଂ. ଦେବସିସ୍ ଦେବ, କାର୍ଯ୍ୟନିର୍ବାହୀ ନିର୍ଦ୍ଦେଶକ, HAL ବେଣୁଧରା ସାହୁ, ଆଞ୍ଚଳିକ ନିର୍ଦ୍ଦେଶକ, RCMA; DRDO ଏବଂ ସଞ୍ଜୟ ଚାୱଲା, ADG, AQA ଆଦି ଯୋଗ ଦେଇଥିଲେ ।
ବୈଠକରେ ପ୍ରମୁଖ ପ୍ରସଙ୍ଗଗୁଡିକ ଉପରେ ଆଲୋକପାତ କରିବା ପୂର୍ବରୁ କୂଳପତି ପ୍ରଥମେ ବିଶ୍ବବିଦ୍ୟାଳର ଅଗ୍ରଗତି ଓ ଉପଲବ୍ଧିକୁ ପ୍ରଶଂସା କରିଥିଲେ । ସେ ପୂର୍ବତନ କୁଳପତିଙ୍କ ଅବଦାନକୁ ପ୍ରଂଶସା କରିଥିଲେ ।
ଏଥିସହ କେନ୍ଦ୍ରୀୟ ବିଶ୍ବବିଦ୍ୟାଳୟଗୁଡ଼ିକର ସାଧାରଣ ପ୍ରବେଶ ପରୀକ୍ଷା (CUCET 2020) ର ମହତ୍ବକୁ ପ୍ରଶଂସା କରିଛନ୍ତି । ସମଗ୍ର ଦେଶର ବିଭିନ୍ନ ଗୋଷ୍ଠୀର ଛାତ୍ରଛାତ୍ରୀମାନଙ୍କର ଆକୃଷ୍ଟ କରିବା ପାଇଁ ପରୀକ୍ଷାର ନିୟନ୍ତ୍ରକ ଘୋଷଣା କରିଛନ୍ତି ଯେ 2020-21 ଶିକ୍ଷାବର୍ଷ ପାଇଁ ପ୍ରାୟ 12,000 ଆବେଦନ ଗ୍ରହଣ କରାଯାଇଛି । ତେବେ ଅନଲାଇନ ଆଡମିଶନ ପାଇଁ ଶେଷ ତାରିଖ ଅର୍ଥାତ ଜୁନ 6 ପୂର୍ବରୁ ଏହି ସଂଖ୍ୟା ଯଥେଷ୍ଟ ବୃଦ୍ଧି ପାଇବ ବୋଲି ଆଶା ରହିଛି ।
NALCO ଏବଂ HAL ପରି ଫ୍ରଣ୍ଟଲାଇନ PSU ସହିତ ଏକାଡେମିକ୍ସରେ ସହଯୋଗୀ ବ୍ୟବସ୍ଥା ଚୂଡାନ୍ତ ହୋଇଥିଲା । ଏବଂ DRDO ଏବଂ ଅନୁସୂଚିତ ଜାତି / ଅନୁସୂଚିତ ଜନଜାତି ଗବେଷଣା ଏବଂ ପ୍ରଶିକ୍ଷଣ ପ୍ରତିଷ୍ଠାନ ପରି ଅନୁସନ୍ଧାନ ସଂଗଠନଗୁଡିକ ସହ ବୁଝାମଣା ହୋଇଛି ।
ଭିସି କମିଟି ସଦସ୍ୟମାନଙ୍କୁ ସୂଚନା ଦେଇଛନ୍ତି ଯେ ଭିତ୍ତିଭୂମି ବିକାଶ ପାଇଁ ବିଶ୍ୱବିଦ୍ୟାଳୟ ଯଥେଷ୍ଟ ଅର୍ଥ ପାଇବାର ସମ୍ଭାବନା ରହିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
