ଖୋର୍ଦ୍ଧା: ଦିନକୁ ଦିନ ବର୍ବରତାର ସୀମା ଲଙ୍ଘୁଛି ମଣିଷ ରୂପୀ ରାକ୍ଷସ । ଜଣେ ଆଠ ବର୍ଷର ନାବାଳିକାକୁ ଦୁଷ୍କର୍ମ ଅଭିଯୋଗ ହୋଇଛି । ଏଭିଳି ଲଜ୍ଜାଜନକ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ବଡ଼ବେରଣା ଗ୍ରାମରେ ।
ଭିଡିଓ ସୌଜନ୍ୟ- ପ୍ରତିନିଧି, ଖୋର୍ଦ୍ଧା
ସୂଚନା ଅନୁଯାୟୀ, ନାବାଳିକା ଜଣକ ନିଜ ମାମୁଁଘର ବଡ଼ବେରଣାକୁ ତିନି ଦିନ ତଳେ ବୁଲିବା ପାଇଁ ଆସି ରହିଥିଲେ । ଆଜି ସକାଳୁ ନିଜ ଘର ପଛପଟେ ଥିବା ପୋଖରୀକୁ ଶୌଚ ପାଇଁ ଯାଇଥିବା ବେଳେ ସେହି ଗ୍ରାମର ମୂଷା ସ୍ବାଇଁ ନାବାଳିକାକୁ ବୁଦା ଭିତରକୁ ଟାଣି ଦୁଷ୍କର୍ମ କରିଥିବା ସେ ଅଭିଯୋଗ କରିଥିଲେ।
ଏହାପରେ ପୀଡିତା ନାବାଳିକାର ତାଙ୍କ ମାମୁଁଙ୍କୁ କହିବା ପରେ ବେଗୁନିଆ ଥାନାରେ ଲିଖିତ ଅଭିଯୋଗ କରାଯାଇଥିବା ଜଣାପଡିଛି । ପୋଲିସ ଅଭିଯୁକ୍ତକୁ ଘରୁ ଉଠାଇ ଆଣି ଥାନାରେ ଅଟକ ରଖିଛି । ଖବର ପାଇ ଖୋର୍ଦ୍ଧା ଏସଡିପିଓ ଅଧିକ ତଦନ୍ତ ଆରମ୍ଭ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
