ଖୋର୍ଦ୍ଧା: ବିଦେଶରେ ଚାକିରି କରାଇଦେବା ନାଁରେ ଠକେଇ । ହଜାର ହଜାର ଟଙ୍କା ଲୁଟି ନେଲେ ଦଲାଲ । ଚାରି ଆଡୁ ନିରାଶ ହେବା ପରେ ଖୋର୍ଦ୍ଧା ଜିଲ୍ଲାପାଳଙ୍କୁ ଭେଟି ଗୁହାରି କରିଥିଲେ ଠକାମୀର ଶିକାର ହୋଇଥିବା ଯୁବକ ।
କୁଏତରେ ଚାକିରି ଦେବା ନାଁରେ ଠକେଇ
ସୂଚନା ଅନୁସାରେ, ବାଣପୁର ଅଞ୍ଚଳର ରାଜୀବ ଲୋଚନ ନାମକ ଏକ ବ୍ୟକ୍ତି କୁଏତରେ ଚାକିରି କରାଇଦେବାକୁ କହି କେନ୍ଦ୍ରାପଡାର 14 ଜଣଙ୍କୁ ପ୍ରଲୋଭିତ କରିଥିଲେ । ଏପରିକି ସେଠାରେ ମାସିକ ଦରମା 14ରୁ 15 ହଜାର ମିଳିବ ବୋଲି ପ୍ରତିଶ୍ରୁତି ଦେଇଥିଲେ । ଚାକିରି ପାଇବା ଆଶାରେ ଯୁବକ ମାନେ ପାସପୋର୍ଟ, ଭିସା ଓ 15 ହଜାର ଟଙ୍କା ଲେଖାଏଁ ଦେଇଥିଲେ । ପରେ ସେମାନଙ୍କୁ ସହ କିଛି ଯୋଗଯୋଗ କରିନଥିଲା ଦଲାଲ । ଶେଷରେ ବାଧ୍ୟ ହୋଇ ସେମାନେ ଖୋର୍ଦ୍ଧା ଜିଲ୍ଲାପାଳଙ୍କୁ ଭେଟି ଟଙ୍କା ସହ ଜରୁରୀ କାଗଜପତ୍ର ଫେରାଇ ଦେବାକୁ ଅନୁରୋଧ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
