ଖୋର୍ଦ୍ଧା : ନିଆଁ ଲାଗି ଜଳିଗଲା ତିନି ବଖରା ଘର । ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ସୂଚନା ଅନୁସାରେ, ଖୋର୍ଦ୍ଧା ଜିଲ୍ଲା ବୋଲଗଡ ବ୍ଳକ ଅନ୍ତର୍ଗତ ଅସରଳା ଗାଁର ଗୁମାନିସାହିରେ ନିଆଁ ଲାଗିଯାଇଥିଲା । ଅଗ୍ନିକାଣ୍ଡ ଯୋଗୁଁ ଗ୍ରାମର ପଞ୍ଚୁ ଗୁମାନସିଂହ ,ବଲ୍ଳା ଗୁମାନସିଂହ ଓ ବାବାଜି ଗୁମାନସିଂହଙ୍କ ତିନି ବଖରା ଚାଳ ଛପର ଘର ପୋଡି ଯାଇଛି ।
ସର୍ଟସର୍କିଟ ଯୋଗୁଁ ଜଳିଗଲା ତିନିବଖରା ଘର
ସର୍ଟ ସର୍କିଟ ଯୋଗୁ ଅଗ୍ନିକାଣ୍ଡ ହୋଇଥିବା ଜଣା ପଡ଼ିଛି । ଅଗ୍ନିକାଣ୍ଡରେ ଘରର ଆସବାବପତ୍ର ଜଳି ପୋଡି ନଷ୍ଟ ହୋଇଯାଇଛି । ଘଟଣାସ୍ଥଳରେ ଗ୍ରାମବାସୀ ସହ ବୋଲଗଡ ଅଗ୍ନିଶମ ବାହିନୀ ପହଁଞ୍ଚି ନିଆଁକୁ ଆୟତ୍ତ କରିଛନ୍ତି । ତେବେ ଅଗ୍ନିକାଣ୍ଡରେ କେତେ ସମ୍ପତି ନଷ୍ଟ ହୋଇଛି ତାହା ସ୍ପଷ୍ଟ ହୋଇନଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ
