ଖୋର୍ଦ୍ଧା: ବିଦ୍ୟୁତ୍ ଆଘାତରେ ବିଦ୍ୟୁତ୍ କର୍ମଚାରୀଙ୍କ ମୃତ୍ୟୁ । ବିଦ୍ୟୁତ ବିଭାଗର ଚରମ ଅବହେଳା ଯୋଗୁଁ ଜଣେ ବିଦ୍ୟୁତ କର୍ମଚାରୀଙ୍କ ଜୀବନ ଚାଲିଯାଇଛି । ଏଭଳି ସଙ୍ଗୀନ ଅଭିଯୋଗ ଆସିଛି ବେଗୁନିଆ ଅଞ୍ଚଳରୁ ।
ବିଦ୍ୟୁତ ସଂସ୍ପର୍ଶରେ ଆସି ବିଦ୍ୟୁତ୍ କର୍ମଚାରୀଙ୍କ ମୃତ୍ୟୁ
ସୂଚନା ଅନୁସାରେ ବେଗୁନିଆ ବିଦ୍ୟୁତ ସେକ୍ସନ ଅଧିନରେ ଆସିଷ୍ଟାଣ୍ଟ ଟେକନିସିଆନ ଭାବେ କାର୍ଯ୍ୟ କରୁଥିବା ସଞ୍ଜୟ କୁମାର ବେହେରାଙ୍କର ଆଜି ବିଦ୍ୟୁତ ଆଘାତରେ ମୃତ୍ୟୁ ହୋଇଛି । ଆଜି ସଞ୍ଜୟ ବେଗୁନିଆ କୁଶୁପଲ୍ଲା ରାସ୍ତାରେ ଖୁଣ୍ଟରେ ଚଢି ମରାମତି କରୁଥିବା ବେଳେ ହଠାତ ବିଦ୍ୟୁତ ସଂସ୍ପର୍ଶରେ ଆସି ତାଙ୍କ ଜୀବନ ଚାଲିଯାଇଥିବା ପରିବାର ଲୋକ ଅଭିଯୋଗ କରିଛନ୍ତି ।
ସେପଟେ ବିନା ସୁରକ୍ଷା ଉପକରଣରେ କାହା ନିଦ୍ଦେର୍ଶରେ ଖୁଣ୍ଟରେ ଚଢିଥିଲେ ସଞ୍ଜୟ ତାହାର ତଦନ୍ତ ର ଆବଶ୍ୟକତା ରହିଛି। ସେପଟେ ଏନେଇ ଆମେ ବିଦ୍ୟୁତ ବିଭାଗ ସହ ଯୋଗାଯୋଗ କରିଥିବା ବେଳେ ବିଦ୍ୟୁତ ବିଭାଗ ତରଫରୁ ପ୍ରତିକ୍ରିୟା ମିଳିପାରି ନାହିଁ । ଘଟଣାକୁ ନେଇ ଉତ୍ତେଜନା ଦେଖା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
