ଖୋର୍ଦ୍ଧା: ଆଗକୁ ଆସୁଛି ପଞ୍ଚାୟତ ନିର୍ବାଚନ । ତୃଣମୂଳ ସ୍ତରରେ ହେଉଥିବା ଏହି ନିର୍ବାଚନ ପାଇଁ ଏବେଠାରୁ ବିଜୁ ଜନତା ଦଳ ପାଇଁ ବଳ ଗୋଟାଇବା ଆରମ୍ଭ କଲେଣି ବେଗୁନିଆ ବିଧାୟକ ରାଜେନ୍ଦ୍ର କୁମାର ସାହୁ । ବିଭିନ୍ନ ପଞ୍ଚାୟତ ଗସ୍ତ କରି ପଞ୍ଚାୟତ ସ୍ତରୀୟ ନେତା ଓ କର୍ମୀଙ୍କ ସହ ସିଧାସଳଖ ଆଲୋଚନା କରିଛନ୍ତି ବିଧାୟକ ।
ଦଳ ପାଇଁ ବଳ ଗୋଟାଇବା ଆରମ୍ଭ କଲା ବେଗୁନିଆ ବିଜେଡି
ସେହିଭଳି ଆଜି ବେଗୁନିଆ ନିର୍ବାଚନ ମଣ୍ଡଳୀର ବଡ଼ବେରଣା, କଣ୍ଟାବାଡ଼ ଓ ସୀମର ପଞ୍ଚାୟତରେ ବୈଠକ କରି ଆଗାମୀ ପଞ୍ଚାୟତ ନିର୍ବାଚନରେ ଦଳର ଅଭିମୁଖ୍ୟକୁ କିଭଳି ସାକାର କରାଯିବ ସେନେଇ କର୍ମୀଙ୍କ ସହ ସିଧାସଳଖ ଆଲୋଚନା କରିବା ସହ ପଦଯାତ୍ରା କରିଛନ୍ତି । ଏହି ଆଲୋଚନାରେ ଗ୍ରାମପଞ୍ଚାୟତର ଉନ୍ନତି ସହ ସାଙ୍ଗଠନିକ ଦକ୍ଷତା ବିକାଶ ଉପରେ ଗୁରୁତ୍ୱ ଦେଇଛନ୍ତି ବିଧାୟକ । ସେହିପରି ବିଧାୟକ ଆଜି ଲୋକମାନଙ୍କୁ କମ୍ପୋଷ୍ଟର କାର୍ଯ୍ୟାଦେଶ ବଣ୍ଟନ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
