କେନ୍ଦୁଝର: ଆସନ୍ନ ବନ୍ୟାକୁ ନେଇ ସଜାଗ ଅଗ୍ନିଶମ ବିଭାଗ । ପ୍ରଳୟଙ୍କାରୀ ବାତ୍ୟା ୟାସ ପରେ ପ୍ରବଳ ବର୍ଷା ଯୋଗୁଁ ବନ୍ୟା ଆଶଙ୍କା କରିଛି ପାଣିପାଗ ବିଭାଗ । ଏନେଇ କେନ୍ଦୁଝର ଜିଲ୍ଲା ପ୍ରଶାସନ ପ୍ରସ୍ତୁତି ଆରମ୍ଭ କରିଦେଇଛି ।
ଆସନ୍ନ ବାତ୍ୟା ନେଇ ସଜାଗ ଅଗ୍ନିଶମ ବିଭାଗ
ତେବେ ବର୍ଷା ଯୋଗୁଁ ଓଡ଼ିଶାର ପୂର୍ବ ଭାଗରେ ବନ୍ୟା ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଏନେଇ ଏସଆରସିଙ୍କ ପକ୍ଷରୁ ବିଭିନ୍ନ ଜିଲ୍ଲାନେଇ ଆଲର୍ଟ ଜାରି କରାଯାଇଛି । କେନ୍ଦୁଝର ଜିଲ୍ଲାକୁ ୟେଲୋ ଜୋନ ଘୋଷଣା କରାଯାଇ ଥିବାବେଳେ ଅଗ୍ନିଶମ ବିଭାଗ ପକ୍ଷରୁ ପୂର୍ବ ପ୍ରସ୍ତୁତି କାରଯାଇଛି । ବନ୍ୟା ଯୋଗୁଁ କିପରି ଅଧିକ କ୍ଷୟକ୍ଷତି ନହୁଏ ସେନେଇ ସବୁ ବ୍ଲକ ଅଗ୍ନିଶମ ବିଭାଗରେ ଯନ୍ତ୍ରପାତିର ଟେଷ୍ଟିଂ ସହ ଆବଶ୍ୟକତା ଅନୁଯାୟୀ ଲାଇଟର ବ୍ୟବସ୍ଥା କରାଯାଇଥିବା ଜିଲ୍ଲା ଅଗ୍ନିଶମ ଅଧିକାରୀ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
