ବାଇକକୁ ପିଟିଲା ବାଇକ, 2 ମୃତ

କେନ୍ଦୁଝର ଘଷିପୁରା ଅଞ୍ଚଳରେ ଅଭାବନୀୟ ଘଟଣା । ବାଇକକୁ ବାଇକ ପିଟି 2 ମୃତ ଜଣେ ଗୁରୁତର । ଗୁରୁତରକୁ କଟକ ସ୍ଥାନାନ୍ତର କରାଯାଇଛି ।

ଆନନ୍ଦପୁର: ଘଷିପୁରା ଥାନା ରାଧିକାଦେଇପୁରରେ ବାଇକ ଦୁର୍ଘଟଣା । 2ଟି ବାଇକ ମୁହାଁମୁହିଁ ଧକ୍କା ହେବା ଫଳରେ 2 ଜଣଙ୍କର ମୃତ୍ୟୁ ହୋଇଛି । ଦୁଇ ମୃତକ ହେଲେ ଖାଲପାଳ ଅନନ୍ତକିଶୋର ନୋଡାଲ ହାଇସ୍କୁଲର ଶିକ୍ଷକ ସଦାଶିବ ବାରିକ ଓ ହରିଚନ୍ଦନପୁରର ଜଟ ମୁଣ୍ଡା । ଦୁର୍ଘଟଣାରେ ରାଧିକାଦେଇପୁରର ଶୁକୁରା ମୁଣ୍ଡା ଗୁରୁତର ହୋଇଛନ୍ତି ।

ଆଜି ସନ୍ଧ୍ୟାରେ ଶୁକୁରା ଓ ଜଟ ଗୋଟିଏ ବାଇକରେ ବାଲିପାଳୁ ଖାଲପାଳ ରାସ୍ତା ଦେଇ ଯାଉଥିବାବେଳେ ବିପରୀତ ଦିଗରୁ ଅନ୍ୟ ଏକ ବାଇକରେ ଆସୁଥିବା ସଦାଶିବ ବାରିକଙ୍କ ସହ ମୁହାଁମୁହିଁ ଧକ୍କା ହୋଇଥିଲା । ତେବେ ଘଟଣାସ୍ଥଳରେ ଥିବା କିଛି ସ୍ଥାନୀୟଲୋକେ ଗୁରୁତରଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଥିଲେ । ହେଲେ ସେଠାରେ ସଦାଶିବ ଓ ଜଟଙ୍କୁ ଡାକ୍ତର ମୃତ ଘୋଷଣା କରିଥିଲେ । ସେପଟେ, ଗୁରୁତର ଶୁକୁରା ମୁଣ୍ଡାକୁ କଟକ ସ୍ଥାନାନ୍ତର କରାଯାଇଛି ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ