ଫୁଲବାଣୀ: ଭାରସାମ୍ୟ ହରାଇ ଗଛକୁ ପିଟିଲା କାର । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ଅବସ୍ଥାରେ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ମୃତକ ହେଉଛନ୍ତି ସନ୍ତୋଷ ତାରେଣିଆ । ଅନ୍ୟ ଦୁଇଜଣ ଅବସ୍ଥା ଗୁରୁତର ଥିବା ବେଳେ ଜଣେ ସାମାନ୍ୟ ଭଲ ଥିବା ସୂଚନା ମିଳିଛି ।
ସୂଚନା ଅନୁସାରେ, ଦଶପଲ୍ଲାରୁ ଫୁଲବାଣୀ ଗୋଟଏ ଫର୍ଚ୍ୟୁନର କାରରେ ଚାରିଜଣ ଆସୁଥିବା ବେଳେ ଖଜୁରୀପଡ଼ା ଥାନା ଅନ୍ତର୍ଗତ ସମ୍ବେପଦରଠାରେ କାରଟି ଭାରସାମ୍ୟ ହରାଇ ଗଛରେ ଧକ୍କା ହୋଇଥିଲା । ଏହା ଦେଖି ସ୍ଥାନୀୟ ଗ୍ରାମବାସୀ, ଫୁଲବାଣୀର ସ୍ଵେଚ୍ଛାସେବୀ ସଂଗଠନ 'ଟିମ ହ୍ୟୁମାନିଟି' ଓ ଖଜୁରୀପଡ଼ା ଅଗ୍ନିଶମ ବିଭାଗକୁ ଖବର ଦେବାପରେ ଘଟଣାସ୍ଥଳରେ ସେମାନେ ପହଞ୍ଚିଥିଲେ । ମିଳିତ ଉଦ୍ୟମରେ କାରରେ ଥିବା ଚାରି ଜଣଙ୍କୁ ଉଦ୍ଧାର କରାଯାଇଥିଲା । ତେବେ ସେଠାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତରଙ୍କୁ ଫୁଲବାଣୀ ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯିବା ସହ ଜଣଙ୍କୁ ଖଜୁରୀପଡ଼l ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା ।
ଇଟିଭି ଭାରତ, କନ୍ଧମାଳ
