ଭବାନୀପାଟଣା: ଦୁର୍ଘଟଣାଗ୍ରସ୍ତ କଣ୍ଟେନରରୁ ୫ କୁଇଣ୍ଟାଲ ୫୨ କେଜି ଗଞ୍ଜେଇ ଜବତ । କଳାହାଣ୍ଡି ଜିଲ୍ଲା କେସିଙ୍ଗା ଥାନା ଅଞ୍ଚଳରେ ଦୁର୍ଘଟଣା ହୋଇ ଜବତ ହୋଇ ରହିଥିବା ଏକ କଣ୍ଟେନରରୁ ୫ କୁଇଣ୍ଟାଲ ୫୨ କେଜି ଚୋରା ଗଞ୍ଜେଇ ଜବତ ହୋଇଛି । ପ୍ରାୟ ଏକ ମାସ ପରେ ଏହି କଣ୍ଟେନରରୁ ଜବତ ହୋଇଛି ଗଞ୍ଜେଇ । ପୋଲିସ ପାଖରେ ଏନେଇ କୌଣସି ସୁରାକ ନ ଥିବାବେଳେ କିଛି ଲୋକଙ୍କ ଠାରୁ ପୋଲିସ ଖବର ପାଇ ଏହାକୁ ଜବତ କରିଛି ।
ଦୁର୍ଘଟଣା ଗ୍ରସ୍ତ କଣ୍ଟେନରରୁ ୫ କୁଇଣ୍ଟାଲ ଗଞ୍ଜେଇ ଜବତ
ଜବତ ଗାଡିର ଡ୍ରାଇଭର ଦୁର୍ଘଟଣା ପରେ ଫେରାର ହୋଇଥିବାବେଳେ ଗାଡିକୁ ନେବା ପାଇଁ କେହି ଆସି ନଥିବା ଜଣାପଡିଛି । କେସିଙ୍ଗା ଥାନା କଶରୁପଡା ଠାରେ ଗତ କିଛିଦିନ ତଳେ ଦୁଇଟି କଣ୍ଟେନର ମୁହାଁମୁହିଁ ଧକ୍କା ହୋଇଥିଲା । ଯେଉଁଥିରେ ଛୋଟ କଣ୍ଟେନରର ଡ୍ରାଇଭର ମୃତ୍ୟୁ ହୋଇଥିଲା ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
