ଯାଜପୁର: ପ୍ରଧାନମନ୍ତ୍ରୀ ମୋଦି ଓ କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କ ପରେ ବିଜୟ ନେଇ ଦମ୍ଭୋକ୍ତି ଦେଖାଇଲେ ଗୃହମନ୍ତ୍ରୀ ରାଜନାଥ ସିଂହ । ରାଜ୍ୟରେ ବିଜେପିକୁ ମାତ୍ର 5 ବର୍ଷ ପାଇଁ ସୁଯୋଗ ଦେବାକୁ କଲେ ଅପିଲ । ଧୁଆଁଧାର ପ୍ରଚାର ସହ ଭୋଟ ଭିକ୍ଷା କରିଛନ୍ତି ରାଜନାଥ ।
ବରୀ ସଂଖାରିଗଡା ରେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ । ଯାଜପୁରରେ 4ର୍ଥ ତଥା ଶେଷ ପର୍ଯ୍ୟୟ ନିର୍ବାଚନ ପାଇଁ ବରୀ ନିର୍ବାଚନ ମଣ୍ଡଳୀରେ ବିଜେପିର ମଙ୍ଗ ଧରିଛନ୍ତି କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ । ଏହି ଅବସରରେ ସେ ଯାଜପୁର ସାଂସଦ ପ୍ରାର୍ଥୀ ଅମୀୟ କାନ୍ତ ମଲ୍ଲିକ, ବରୀ ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ବିଶ୍ୱରଞ୍ଜନ ମଲ୍ଲିକଙ୍କ ପାଇଁ ଭୋଟ ମାଗିଛନ୍ତି ।
ବିଜେପିର ଏହି ହାଇଭୋଲଟେଜ ନେତା ନିଜ ଭାଷଣରେ ରାଜ୍ୟ ସରକାରଙ୍କ ଉପରେ ଖୁବ ବର୍ଷିଛନ୍ତି । 19ବର୍ଷ ବିଜେଡି ସରକାରଙ୍କୁ କାହିଁକି ? ଆମକୁ ମାତ୍ର 5ବର୍ଷ ସୁଯୋଗ ଦିଅନ୍ତୁ, ଦେଖିବେ କିଭଳି ବିକାଶ ହେଉଛି ବୋଲି ସୁଯୋଗ ମାଗିଛନ୍ତି ରାଜନାଥ ।
ବିଜେଡିକୁ ତୀବ୍ର ନିନ୍ଦା କରି ରାଜନାଥ କହିଛନ୍ତି ଯେ, କେନ୍ଦ୍ର ସରକାରଙ୍କ ଆୟୁଷ ଯୋଜନାର ଫାଇଦା ଦେଶର ଅନ୍ୟ ରାଜ୍ୟ ସବୁ ନେଉଥିବା ବେଳେ ବିଜେଡି ସରକାର ଏହି ଯୋଜନାକୁ ବିରୋଧ କରୁଥିବାରୁ ଆପଣ ମାନେ ଫାଇଦା ନେଇ ପାରୁ ନାହାଁନ୍ତି । ଓଡ଼ିଶାରେ ତିନୋଟି ପର୍ଯ୍ୟାୟରେ ହୋଇଥିବା ନିର୍ବାଚନରେ ବିଜେପି ସଂଖ୍ୟା ଗରିଷ୍ଠତା ହାସଲ କରିବ । ଆଉ ରାଜ୍ୟରେ ନିଶ୍ଚିତ ସରକାର ଗଢିବ ବୋଲି ସେ ଦୃଢତାର ସହ ଆହ୍ବାନ ଦେଇଛନ୍ତି ।
ବିଜେପିର ଏହି ସକଳ୍ପ ସମାବେଶରେ ଯାଜପୁର ଜିଲ୍ଲା ପ୍ରଭାରୀ ପୂର୍ବତନ ମନ୍ତ୍ରୀ ସମୀର ଦେଓ, ଜିଲ୍ଲା ବିଜେପି ସଭାପତି ଗୌତମ ରାୟ ସମେତ ଅନେକ ବଶିଷ୍ଠ ବିଜେପି ନେତା ଓ ନେତ୍ରୀ ଯୋଗ ଦେଇଥିଲେ । ଏହି ସମାବେଶରେ 15ହଜାର ରୁ ଉର୍ଦ୍ଧ୍ବ ବିଜେପି କର୍ମୀ ଓ ଜନସାଧରଣ ଯୋଗ ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
