ଯାଜପୁର: ଦଶରଥପୁର ବ୍ଲକ ବିରୁହାଂ ଗ୍ରାମପଞ୍ଚାୟତର ପୂର୍ବସାହି ଗାଁରେ ଅଘଟଣ । ଗାଁର ଅକ୍ଷୟ ପରମାଣିକଙ୍କ ଘରେ ନିଆଁ ଲାଗି ପତ୍ନୀ ପ୍ରେମଲତା ଜୀବନ୍ତ ଦଗ୍ଧ । ପ୍ରେମଲତାଙ୍କ ସହ 3 ଟି ଗୋରୁ ମଧ୍ୟ ପ୍ରାଣ ହରାଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ତେବେ ଅକ୍ଷୟଙ୍କ ଘରେ ନିଆଁ ଲାଗିଥିବା ଦେଖି ଗ୍ରାମବାସୀ ମାନେ ନିଆଁକୁ ଆୟତ୍ତ କରିଛନ୍ତି । ସେପଟେ ପ୍ରେମଲତାଙ୍କ ଏପରି ମୃତ୍ୟୁକୁ ସହଜରେ ଗ୍ରହଣ କରିପାରିନାହାନ୍ତି ତାଙ୍କ ବାପଘର ଲୋକେ । ତାଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ସେମାନେ ।
ତେବେ ପୋଲିସ ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରିବା ସହ ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି । ସୂଚନା ଅନୁଯାୟୀ, ଶନିବାର ରାତିରେ ଅକ୍ଷୟ ପରିମାଣିକଙ୍କ ଘରେ ନିଆଁ ଲାଗି ଦୁଇ ବଖରା ଘର ଜଳିଯିବା ସହ ତାଙ୍କ ସ୍ତ୍ରୀ ପୋଡି ଯାଇଥିଲେ ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
