ଗଜପତି: ଜିଲ୍ଲାର ଅଡବା ଅଞ୍ଚଳରେ କୋରୋନା ସଂକ୍ରମଣ ପାଇଁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । ସ୍ଥାନୀୟ ଅଧିବାସୀମାନେ ନିଜ ଘର ଓ ଦୋକାନ ଆଗରେ ବ୍ୟାରିକେଡ କରି ନିଜକୁ କୋରୋନା ସଂକ୍ରମଣରୁ ରକ୍ଷା କରିବାକୁ ଚେଷ୍ଟା କରୁଛନ୍ତି । ଯାହାକୁ ପ୍ରଶଂସା କରିଛନ୍ତି ମୋହନା ତହସିଲଦାର । ଏନେଇ ତହସିଲଦାରଙ୍କ ପକ୍ଷରୁ ଟ୍ବିଟରରେ ଉଲ୍ଲେଖ କରାଯାଇଛି ।
ମୋହନା ତହସିଲଦାରଙ୍କ ପକ୍ଷରୁ ଟ୍ବିଟରରେ ଲେଖାଯାଇଛି, ଅଡବା ଅଞ୍ଚଳରେ କଣ୍ଟେନମେଣ୍ଟ ଜୋନର ବାସିନ୍ଦାମାନେ ନିଜ ଘର ଏବଂ ଦୋକାନକୁ ବ୍ୟାରିକେଡ୍ କରି ମହାମାରୀ ବିରୁଦ୍ଧରେ ଲଢିବାରେ ନିଜକୁ ଦୃଢ କରିଛନ୍ତି । ଏହା ଆମର ଦୃଢତା ଓ ପ୍ରତିବଦ୍ଧତାକୁ ଆହୁରି ମଜଭୁତ କରିଛି ବୋଲି ତହସିଲଦାରଙ୍କ ପକ୍ଷରୁ କୁହାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
