କଟକ: ଜଳବନ୍ଦୀ ସମସ୍ୟାରେ ଉବୁଟୁବୁ ହେଉଛି କଟକ ସହର । ପ୍ରଶାସନର ସବୁ ଯୋଜନା ଏଠାରେ ଫେଲ ମାରିଛି । । ଏହାର ପ୍ରତିବାଦରେ ସିଏମସି କାର୍ଯ୍ୟାଳୟ ସାମ୍ନାରେ ବିକ୍ଷୋଭ ପ୍ରଦର୍ଶନ କରିଛି ବିଜେପି ।
ସହରରେ ଜଳବନ୍ଦୀ ସମସ୍ୟା ନ ଉପୁଜିବା ପାଇଁ ଅନେକ ଯୋଜନା ହାତକୁ ନେଇଛନ୍ତି ସିଏମସି ଓ ସ୍ଥାନୀୟ ବିଧାୟକ । ତେବେ ଏହି ଯୋଜନା ସମୂହ ଧୂଆଁବାଣ ପରି ପ୍ରତୀତ ହେଉଛି । ଯଦି ଆଗାମୀ ଦିନରେ ଏହିପରି ସମସ୍ୟା ଲାଗିରହେ, ତେବେ ପରିସ୍ଥିତି ଭୟାବହ ହେବ ବୋଲି ବିଜେପି ସ୍ପଷ୍ଟ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ସୂଚନାଯୋଗ୍ୟ, ସହରର ଅନେକ ତଳିଆ ଅଞ୍ଚଳ ଯଥା- ପଟାପୋଲ, ସୂତାହାଟ, ରକ୍ସିଲେନ ଆଦି ଅଞ୍ଚଳରେ ପାଣି ଜମା ହୋଇ ରହୁଛି । ଯାହାକୁ ନେଇ ସ୍ଥାନୀୟ ଲୋକେ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
