କଟକ: 75 ବର୍ଷରେ ପଦାର୍ପଣ କରିଛି ଆଜାଦ ହିନ୍ଦ ଫୌଜ । ଏହି ଅବସରରେ ସୋମବାର ହାୱଡାରୁ ଏକ ବାଇକ ରାଲି ଯୋଗେ କଟକ ଓଡିଆ ବଜାରରେ ଆସି ପହଞ୍ଚିଛନ୍ତି ହାୱଡା ସଂସ୍କୃତି ଉନ୍ନୟନ ସମିତି । ଓଡିଆ ବଡାରରେ ଥିବା ନେତାଜୀ ସଂଗ୍ରହାଳୟରେ ପହଞ୍ଚି ସମସ୍ତ ସଦସ୍ୟମାନେ ନେତାଜୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ହାୱଡା ସଂସ୍କୃତି ଉନ୍ନୟନ ସମିତି ପକ୍ଷରୁ ଆୟୋଜିତ ହୋଇଥିବା ଏହି ଶୋଭାଯାତ୍ରାରେ ସଂଗଠନର ସଭାପତି ସୁକାନ୍ତ ଘୋଷଙ୍କ ନେତୃତ୍ବରେ ପ୍ରାୟ ଶହେରୁ ଅଧିକ ବାଇକ ସାମିଲ ହୋଇଥିଲେ। ହାୱଡାରୁ କଟକ ଆସିବା ପାଇଁ ସେମାନଙ୍କୁ ଦୁଇ ଦିନ ସମୟ ଲାଗିଥିଲା। ଏହି ଅବସରରେ ନେତାଜୀଙ୍କ ଜନ୍ମସ୍ଥାନରେ ଏକ ସମ୍ବର୍ଦ୍ଧନା ସଭାର ଆୟୋଜନ କରାଯାଇ ବାଇକ ରାଲିରେ ସାମିଲ ହୋଇଥିବା ସମସ୍ତ ସଦସ୍ୟଙ୍କୁ ସମ୍ବର୍ଦ୍ଧିତ କରାଯାଇଥିଲା।
କଟକରୁ ନାରାୟଣ ସାହୁ, ଇଟିଭି ଭାରତ
