ବରଗଡ: ରାଜ୍ୟରେ ଦିନକୁ ଦିନ ବଢିଚାଲୁଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏହି କ୍ରମରେ ବରଗଡ ଜିଲ୍ଲାରେ ଆଜି ସର୍ବାଧିକ 136 ଜଣ କୋରୋନା ସଂକ୍ରମିତ ଚିହ୍ନଟ ହୋଇଥିବାବେଳେ ଜିଲ୍ଲାରେ ସମୁଦାୟ ସଂକ୍ରମିତଙ୍କ ସଂଖ୍ୟା ୧୨୦୨ ରେ ପହଞ୍ଚିଛି । ଅନ୍ୟପଟେ ଜିଲ୍ଲାରେ କୋରୋନା ସଂକ୍ରମଣରେ ମୃତକଙ୍କ ସଂଖ୍ୟା 5 ବୋଲି ସରକାରୀ ଆକଳନ ହିସାବରେ ସୂଚନା ଦିଆଯାଇଛି ।
ଜିଲ୍ଲାରେ ଦିନକୁ ଦିନ ସଂକ୍ରମିତଙ୍କ ହାର ବୃଦ୍ଧି ପାଉଥିବାବେଳେ ସ୍ଥାନୀୟ କୋଭିଡ ହସ୍ପିଟାଲରେ ଆଉ ବେଡ଼ ଖାଲି ନଥିବା ଜଣାପଡିଛି । ଜିଲ୍ଲାରେ ଆଜି ରେକର୍ଡ଼ ସଂଖ୍ୟକ ସଂକ୍ରମିତ ଚିହ୍ନଟ ହୋଇଥିବାବେଳେ କେବଳ 46 ଜଣ ସଂକ୍ରମିତ ବରଗଡ ଟାଉନର ହୋଇଥିବା ଜଣାପଡିଛି ।
ବରଗଡରେ ବଢୁଛି କୋରୋନା ପଜିଟିଭ କେସ, ସଂଖ୍ୟା 1202 କୁ ବୃଦ୍ଧି
ବରଗଡ ଟାଉନ ଥାନାର ୬ ଜଣ ପୋଲିସ କର୍ମଚାରୀ ମଧ୍ୟ ସଂକ୍ରମିତ ହୋଇଥିବା ବେଳେ ସମସ୍ତଙ୍କୁ ଚିକିତ୍ସା ପାଇଁ କୋଭିଡ ହସ୍ପିଟାଲକୁ ପଠାଯାଇଛି |
ବରଗଡରୁ ରାଜେଶ ସରାପ, ଇଟିଭି ଭାରତ
