ବରଗଡ: ଗତ କିଛି ବର୍ଷ ହେଲା ରାଜ୍ୟରେ ଚାଷ ଓ ଚାଷୀଙ୍କ ଅବସ୍ଥା ସଙ୍ଗୀନ । ଚାଷୀଙ୍କ ଦୁର୍ଦ୍ଦିନ ଥମିବାର ନାଁ ଧରୁନାହିଁ । ପରିଣାମ ସ୍ବରୂପ ରାଜ୍ୟରେ ଦିନକୁ ଦିନ ଚାଷୀ ଆତ୍ମହତ୍ୟା ବୃଦ୍ଧି ପାଉଛି । ଆଜି ପୁଣି ରାଜ୍ୟର ଭାତ ହାଣ୍ଡି ଜିଲ୍ଲା ବରଗଡରେ ଜଣେ ଚାଷୀ କୀଟନାସକ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।
ସୂଚନାନୁଯାୟୀ, ବରଗଡ ସଦର ବ୍ଲକ ନୂଆପାଲିର ଚାଷୀ ମହେନ୍ଦ୍ର ସାହୁ ଋଣ ପାଇଁ ଚାପରେ ଥିଲେ । ଋଣ ବଢିବା ସହ ଆଶା ଅନୁଯାୟୀ ଫସଲ ନହେବାରୁ ଚିନ୍ତାରେ ଥିଲେ ମହେନ୍ଦ୍ର । ଫଳରେ କୀଟନାସକ ପିଇ ମହେନ୍ଦ୍ର ମହେନ୍ଦ୍ର ଆତ୍ମହତ୍ୟା କରିଥିବା ଅଭିଯୋଗ ଗୋଇଛି। ମୃତ ମହେନ୍ଦ୍ରଙ୍କୁ ଚାଷ ପାଇଁ ସମବାୟ ସମିତିରୁ ଋଣ ମଧ୍ୟ ମିଳିନଥିବା ଅଭିଯୋଗ ହୋଇଛି ।
ମହେନ୍ଦ୍ର ସାହୁ ଜଣେ ଡ୍ରାଇଭର ଥିଲେ, ତାଙ୍କର ଦୁର୍ଘଟଣା ପରେ ସେ ଚାଷ କାମ କରି ତାଙ୍କର ପରିବାର ପୋଷଣ କରୁଥିଲେ | ତେବେ ସେ ନିଜର ଦୁଇ ଏକର ଚାଷ ଜମିରେ ଚାଷ କାମ କରୁଥିବା ବେଳେ ଗତ ଦୁଇଟି ଫସଲରେ ମରୁଡି ଜନିତ ତାଙ୍କର ଫସଲ ନଷ୍ଟ ହୋଇଯାଇଥିଲା | ସେ ଫସଲ ବୀମାର ପ୍ରିମିୟମ ଦେଇଥିଲେ ସୁଦ୍ଧା ତାଙ୍କୁ କୌଣସି କ୍ଷତି ପୂରଣ ମିଳିପାରିନଥିଲା | ତେବେ ଚାଷ କାମ ପାଇଁ ସରସରା ଷୋସାଇଟିର ସେକ୍ରେଟାରୀଙ୍କୁ ଋଣ ପାଇଁ, ଅହେନ୍ଦ୍ର କହିବାରୁ ସେକ୍ରେଟାରୀ ଲାଞ୍ଚ ମାଗିଥିଲେ । ସେଥିପାଇଁ ମହେନ୍ଦ୍ର ଜଣେ ବ୍ୟକ୍ତିଙ୍କ ଠାରୁ ୪୦ ହଜାର ଟଙ୍କା ହାତଉଧାରୀ ଆଣି ସେକ୍ରେଟାରୀ ଶ୍ରୀବନ୍ତ ପରିଝାଙ୍କୁ ଦେଇଥିଲେ । କିନ୍ତୁ ତଥାପି ମଧ୍ୟ ତାଙ୍କର ଋଣ ହୋଇପାରିନଥିଲା ।
ଅନ୍ୟପଟେ ହାତଉଧାରୀ ଦେଇଥିବା ବ୍ୟକ୍ତି ଟଙ୍କା ଫେରସ୍ତ ପାଇଁ ବାରମ୍ବାର କହିବାରୁ ମହେନ୍ଦ୍ର ମାନସିକ ଭାରସାମ୍ୟ ହରାଇ ସେ ତାଙ୍କ ନିଜ ବିଲରେ କୀଟନାଶକ ଖାଇ ଆତ୍ମହତ୍ୟା ଉଦ୍ୟମ କରିଥିଲେ | ପରିବାର ଲୋକେ ଖବର ପାଇ ତାଙ୍କୁ ବୁର୍ଲା ମେଡିକାଲରେ ଭର୍ତ୍ତି କରିଥିଲେ | ତେବେ ଚିକିତ୍ସିତ ଅବସ୍ଥାରେ ତାଙ୍କର ସୋମବାର ସକାଳ 9ଟାରେ ମୃତ୍ୟୁ ହୋଇଥିଲା | ତାଙ୍କ ମୃତ ଦେହକୁ ନୂଆପାଳି ସ୍ଥିତ ବାସଭବନକୁ ଆଣିବା ପରେ ସ୍ଥାନୀୟ ଅଞ୍ଚଳରେ ଦୁଃଖର ଛାୟା ଖେଳି ଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
