ବାଲେଶ୍ବର: ଆସନ୍ତା 28 ତାରିଖରେ ଓଡିଶା ଆସୁଛନ୍ତି ଅମିତ ଶାହା । ଗସ୍ତ ସମୟରେ ଭୁବନେଶ୍ବରରେ ହେବାକୁ ଥିବା ନାଗରିକତା ସଂଶୋଧନ ଆଇନ ସପକ୍ଷରେ ଶାହାଙ୍କ ଯୋଗ ଦେବାର କାର୍ଯ୍ୟକ୍ରମ ରହିଛି। ଏଥିପାଇଁ ଆଜି ବାଲେଶ୍ବରରେ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ସ୍ତରୀୟ ନେତାମାନେ କାର୍ଯ୍ୟପନ୍ଥା ସମ୍ପର୍କରେ ସୂଚନା ଦେଇଥିଲେ।
ଅମିତ ଶାହଙ୍କ ଗସ୍ତକୁ ବାଲେଶ୍ବରରେ ସାମ୍ବାଦିକ ସମ୍ମିଳନୀ
ନାଗରିକ ସଂଶୋଧନ ଆଇନକୁ ନେଇ ତେଜି ଉଠୁଥିବା ବିବାଦ ଉପରେ ବିଭିନ୍ନ ମାଧ୍ୟମରେ ଲୋକଙ୍କୁ ସଚେତନ କରାଯାଉଛି। ଏହି ପରିପ୍ରେକ୍ଷୀରେ ଭୁବନେଶ୍ବର ଠାରେ ଏକ ବିଶାଳ ଜନସଭାର ଆୟୋଜନ କରାଯାଇଛି। ସେଠାରେ ଲକ୍ଷାଧିକ ସଂଖ୍ୟକ ଜନତା ଯୋଗ ଦେବାର କାର୍ଯ୍ୟକ୍ରମ ରହିଛି।
ଏହି ସଭାରେ ଅମିତ ଶାହା ଯୋଗ ଦେଇ ସିଏଏ ସପକ୍ଷରେ ଲୋକଙ୍କୁ ବୁଝାଇବେ ବୋଲି ସୂଚନା ମିଳିଛି। ଉକ୍ତ କାର୍ଯ୍ୟକ୍ରମରେ ଯୋଗଦେବା ପାଇଁ ଜିଲ୍ଲା ସ୍ତରରେ ବିଜେପି ସଭାପତିଙ୍କ ନେତୃତ୍ବରେ ଲୋକମାନଙ୍କୁ ଆହ୍ବାନ ଦିଆଯାଉଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
